رد: أجـمـل أبـيـات الـقـصـيـد ...
سولفي
خلي الكلام فحضرتك يتسامى
سولفي
خلي الخضار بنظرتك يتنامى
سولفي
وآنا بجمع من حِلي صوتك كنوز وبـ اغتني
سولفي عن كل حاجة ماطرت في بال بالك
واهتفي
للغمام
للوجيه
للمباني
للشوارع
للرصيف اللي ينادي وقفي !
ودي أستجمع غرامي من جديد
ودي أترتب عشانك
أكره الفوضى فصوتي
واكره من الصوت ناسي
حتى صوت يديّ لا حكَّيت راسي
حتى صوت النبض هذااااا تسمعيه ؟
مرتبط ادري كثير بجيتك
رجفت عظامي
رجفت الصمت الحقيقي في كلامي ما أبيه
ماابيه
هالشعور اللي لعب فيني معك
لا جلسنا واسمع أني أسمعك ووودي أكثر أسمعك
ودي أسمع كل قطرة دم في عرقك تمر
ودي آحيط بالإحساس علماً
وودي أحتاط بالأنفاس جهلاً مايهم
أكره ظلالي ولكن لو قدرت
بترك ظلالي معاك وسولفي
ما أبي اشغل عيونك بالكثير اللي تجسد في عيوني
من وله
من ولاء العقل لا شاغب جنوني
ودي أضمن مااسوي شي يخدش رهبتك
اعشق الصبح من شفتك معه
واكره الليل من غبتي معي
علميني
وويش اسوي بالكلام اللي يزيد بخطوتي
كل خطوة
قدح آه وريق ينشف
كل خطوة
كنها عد التنازل عن حياة
كل خطوة
كنها عد التصاعد للممات
واسئلة ؟
تحيي عصافير الوشاة
واجوبة بالموت ترمي كل غصن
سولفي ماعاد يفرق هالطريق
سولفي واللي نجى مني غريق
سولفي وانتي اهم من الشعر
سولفي وانتي اهم من الشعور
كلميني كملي كل الكلام اللي نقص
كمليني كلمي جل الغرام اللي رقص
في مسارح صدري المتهيي
ودي اسمع
قرع اقدام القلوب فوسط صدري
ياكثر قلبي وقلبك لاجتمعنا من بعيد
وسولفي !
|