[شذى الريحان]

[ALIGN=CENTER][TABLETEXT="width:70%;background-image:url('http://www.zahran.org/vb/backgrounds/12.gif');border:10px inset purple;"][CELL="filter:;"][ALIGN=center]


هذا زمان المصخرة هذا زمان المصخرة:

جوال ومشية بفشخرة في وسط السوق متبخترة



والكحلة في وسط العيون والشفايف زود محمرة



والصدر تتعمد تفكه تخليه مفتوح ما تزرره



هذا زمان المصخرة هذا زمان المصخرة



لو يسألها ذاك الفقير وين انتي


رايحة يامرة


جاه الجواب يبهدله وتقوله كلام بيقهره



باروح السوق ابشتري فستان للحفلة المزهرة

وتروح الصالة كنها عروس مزينة ومعدلة ومعطرة



وما ترجع إلا في الصباح وتشيل الزينة الساحرة



هذا زمان المصخرة هذا


زمان المصخرة


آخر الشهر تقبض الراتب وتروح المجمع وتبعثره



وتعير ذاك الفقير لو إني مثل غيري ما عشت وإياك محسرة



شوف فلانة وشوف علانة عايشين عيشة ميسرة



فله جميلة وسيارة كشخة ما هو مثلك تركبني سياره مكسرة



هذا زمان المصخرة هذا زمان المصخرة



لين استلمت ذاك التلفون تبمبع


مثل البقرة


واتحش في الناس هذا طويل وهذا قصير وحكيها كله مصخرة



وفلانة اليوم مطلقة وفلان ماتت له مرة



وكلامها أصلا ماله أساس بس هذرة فاضية وبربرة



والوقت يسرع والهاتف يحسب أمواله تروح مهدرة



هذا زمان المصخرة هذا زمان المصخرة



الله يرحم ذاك الزمان الحرمة فيه مسترة



كانت تجلس ويا الأذان وتصلي لله وتشــــــــــكره



وتدعي للناس


الطيبين بنفس طيبة وطاهرة


هذا زمان المصخرة هذا زمان المصخرة



مو مثل بنات هذا الزمن تركب ويه الأجنبي بيدها روج ومنظرة



وقصت الشعر أخر موديل كأنها ديك منفوش جناحه وعرعره



والعباية تحطها على الكتف حتى الشعر ماتستره



ولو تقول لها هذا حرام قالت كلامك كله دندره



كلامك كله ما يعني لي شيء أني فتاه متطورة



لا يخدعونك باسم حضارة هالزمن آخرتها تالي المقبرة



وآخر كلامي بالصلاة على النبي وإياه العترة الطاهرة

[/ALIGN][/CELL][/TABLETEXT][/ALIGN]


بقلم الشاعر/ البحريني عبدالرحمن رفيع


احسه زودها شوية ولالا؟ كلامه صحيح لكن مو كل البنات