[العندليب]

اقتباس: المشاركة الأصلية كتبت بواسطة فزاع      راحت شربه أي أن الأمور آلت إلى ما لا تحمد عقباه مثال وش صار في سيارتك يا عندليب بعد الحادث العندليب : راحت شربه وآنا أخوك

أيوه يافزاع إني دريت
هو والله يافزاع وعلي الطلاق بالثلاث إني لأندرت اليوم بعد صلاة الجمعة كان معية طُرقة ويوم بديت على السيارة
وإنها في حالة مايعلم بها الإ الله محووسه لقيت القزاز متهلهلن ومنصب(ن) جوف المقعده
طبوا لا وفقهم الله تالي الليل بغوا يسترقون عاد ماشي الإ قراشيعن كعوشوها وأفلحوا
ليتهم مير يوم كسروا القزاز تجملوا وخذوا لهم شئ لكان مهلا قاررة العطر والله يايبه إنها ب 350 ريال
مير وش نعبى بذا المغزلة مايبغون الإ القروش تقرشوا الحاهم ..

أندرت = نزلت
معيه طرقة =عندي مشوار
متهلهلن = متكسر
جوف = في وهو أحد حروف الجر التي لم يتمكن من إكتشافها سيبويه
تالي الليل = أخر الليل
قراشيع = مجموعة من الأشياء لافائدة منها
كعوشوها = بعثرونها ولعبوا في حسبتها
قارورة عطر = سبق وأن طُرحت سابقاً راجع الصفحات السابقة