(( سيرة ذاتيـــة ))
[align=center]سيرة ذاتيـــة ...!!! [/align]
[poem=font="Traditional Arabic,6,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
سبحت في بحـر ٍ بـه المـوج لطّـام = وشقيـت غبـاتـه بلـيـا سفيـنـه
اقـوام عادتنـي.. وحبتنـي اقــوام = واللي كره شعـري والآخـر رهينـة
حشمت نفسي بين ربع ٍ لـي حشـام = ولا رضيـت لولـد عمـي غبيـنـه
وإذا تعـزوت لابتـي قـلـت قــدام = نارد حيـاض المـوت مـع واردينـه
واطـوح عقالـي ورى حمـر بسـام = وتشـوش روس ٍ بالعوايـد متيـنـه
هـذا انـا مابيـن ربعـي والاعمـام = وهذاك شي .. وشـي مـا تعرفينـه
لكن تعالي واسمعـي بـوح الاقـلام = باقـول لـك سيـره بجوفـي دفينـه
عذاب شاعـر داخلـه طفـل واحـلام = طفل ٍ رضع همـه مـن اول سنينـه
اصغر همومه لو وشـى فيـه نمـام = واكبر همومه فـي رضـى والدينـه
تضـم ضلعينـه سراديـب الايـتـام = ويفجـره صمـت العيـون الحزينـه
عاش الحياه ..اعوام..واعوام ..واعوام = ولا لقـى فـي ظلمتـه مـن يعينـه
ماغير دمعـه تسـري الليـل مانـام = والا بسـجـده يحتويـهـا جبيـنـه
سجين روح .. وحسبه الله على ايـام = كانت معـه شمعـه علـى راحتينـه
كانت له البسمـه وشوقـه والالهـام = واجمـل قصيـده شكلتـهـا يديـنـه
واليوم ذكرى مـن تواريـخ وارقـام = وباقـي قصايـد لمّـهـا دفتريـنـه
مـا هزهـم رجـوى ولا دمـع والآم = وماهزهـم شهقـه تـودع حنيـنـه
واصبح هذاك الطفل شاعـر ورسـام = يرسم حروفـه فـي ثـرى دمعتينـه
هـذا انـا مابيـن نفسـي والاوهـام = وهـذا انـا ذكـرى بوجـه المدينـه
هذا انـا مقتـول مـن قبـل الاعـدام = خمسـة سنيـن وداخلـي تجهليـنـه[/poem]
[align=center]عســـآف [/align]
ـــــــــــــــــــــــــــــــــــــ
|