[طوق الياسمين]

اقتباس: المشاركة الأصلية كتبت بواسطة رفيعة الشان      بسم الله اقسم بالله انقطع قلبي تفجع مره سمعت عنهآ بسس عمره مآ جآ ببآلي أدور وأشوف صورتهآ ففتحت اليوتيوب أبي اشوفهآ تطير وأعيش موقفك وربي رعب سآعه وأنا أشوف وأعيد فيهآ أحسهآ جذآبه بقدر مآهي مرعبه هع الوآلد يقول استخدموهآ أيآم حرب الخليج وميزتهآ مآ تلقطهآ الرآدآرآت ويستخدموهآ في التجسس الله يتمم لنآ نعمة الأمن والأمآن .. الله يسعدك يآسمينه عالموضوع اللي يخرع

الله يلوم اللي يلومك والا يلومني
شوفي وأنا طفلة ايام حرب الخليج كنا بالحوش جالسين في حي وسط الرياض والطيارات رايحه جايه من فوق روسنا
لان صدام هذيك الايام كان يرسل لنا صواريخ والامريكان يقنصونها من الربع الخالي ووتتطاير اشلائها وتسقط بعض الشظايا منها في الحي ونرتج ونعيش خوف ورعب الله لا يوريك من صفارات الانذار والرجه المهم أن هالطائرات السوداء كانت تمر عادي من فوق سماء الرياض بالنهار وبالليل لانها أمريكية ولزوم السياسة والمراقبة فكان الوالد الله يرحمه يقول هذي طيارة الشبح أف مدري كم وارتسم شكلها في راسي وعجزت انساها وسوت لي صدمة نفسية وهي فعلا مطلية بمادة تمنع مراقبتها أو تتبعها بالرادارات
عاد شفتها المره الثانية ايام حركات ارهابية قبل اكثر من 10 سنين ولما شفتها هالمرة خفت لأنها صارت مصدر شؤوم بالنسبة لي مثل البومة الله يخسيها



الله يكفينا الشر ويحفظنا ويحفظ لنا بلدنا أرضاً وسماءً من أيدي وعقول العابثين
وتشكراتي لمرورك ياعسل