[عاشق الاحزان]

بسمتي بارحل عن الدنيا حزين
ادفني حبي بقلبك ياحياة
بسمتي والموت في وجهي يبين
ناظريني واسمعي مني وصاة
غسلي جسمي بدمع" تنثرين
وكفنيه بورد بستان الحياة
وادفنيني وسط روضة عاشقين
وازرعي فيها على قبري نبات
واتركيني في ثرى الروضه دفين
وارجعي ودموع عينك ذارفات
ولابكيتي ريحي قلب" وعين
اتركي دمعات عينك ذارفات
وفي ظلام الليل هلي دمعتين
للهوى اللي فات واسباب الممات
واستريحي ياهوى لاتسهرين
ريحي عينك وخليها تبات
واذكري حب" تولانا سنين
كنت اشوفك فيه اغلى الغاليات
اصبري ياشوق لا لا تجزعين
كل مخلوق" طريقه للوفاة
واذكري شوقي وعشقي والحنين
واذكري حلو السنين الماضيات