[* كاتلوني *]

ياليت مآ مرنا في فايت الدنيا سرور

الا سبقنا للقبور...



والى ارتفع فينا رفيع من القصور

الا تهدم بالغرور...



غبنا عن عيون الفرح كن الفرح

محظور...



مااوجعه يفنا قبل

نفنى معه...



وان زارنا يامسرعه يدخل

بنا لاحلامنا ويطفي علينا

النور...



الله حسيبك يافرحنا صدق

ماعندك شعور...



وش فيك كن اللي اقوله ما اعجبك

وش يعجبك طاري البنات...



يابعد عمري يالبنات ...

هن والفرح من خلقت الدنيا

خوات...



لكنهن مثله وهو مثل الدموع

بلا ثبات...



ان ضيعتك الاوله الثانيه والثالثه

والرابعه متشابهات...



ان حيرتك الخامسه السادسه

تلقى بها نفس المعاني والصفات...



اموات حنا بدونهن وبحضورهن

ياصاحبي اموات...


والآنسات اذا قسن والا نسن

او عبسن...



او نكسن عنك الحسن هد الرسن واشر الوسن

واشطب على مافات...



وكانك تبي روحك تعيش معززه

حاول تمزمز مزمزه...



وتصبر على قل الوفاء واللي رضاهن معجزه

وهيهات ثم هيهات ثم هيهات....




ترجع لنا مريم او نحتفل عقب النبي

عيسى بميلاد الحياة...


ياصاحبي ولى زمان المعجزات خل السهارى

للسهر خل العذارى للغدر...



خلك على هذا الهجر وخلي يدي في كل

يوم تمد لك غصن خضر...