[ابن فتنان]

رحلة



[poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يا حلم يا واقع .. وقصة من حياتي مبهمة = يا رحلة ظلّت غريبة ما تجيب الأسئلة
من مخمصي لي قامتي واهذي بشي(ن) أحلمه = في قصة(ن) صارت ولكن في يدين الأخيلة
يوم انّ قلبي عاجز عن بعض ما به يكتمه = حرّض كلامه للهوى من بعد صمت(ن) مطوله
في ليلة(ن) كانت طويلة باردة .. ومخيّمة = بأحلك ظلام(ن) تمتلك من قاع صدري لاوّله
أول لقى كان ينهاره وسط نفسي تمتمة = "وش يختبي يا ليل معها" ردّ خاطفني وله
يا فكر شارد يا عيون(ن) تشتكي ومصنّمة = يا خفقة في وسط قلبي مزعجة متواصلة
في يوم جيتك كان شيّ(ن) بالحياة اتعلمه = من رجفتك كانت عيوني تستدير وواجلة
كنّا نحاول ما نخالط بالكلام الهمهمة = غير انّها كانت تغطي من كلامي مجمله
لين انتهى عصف المشاعر والمعان الثالمة = بعض التمرّد كانت يكفي لـ ارتجافة مهملة
اتذكر اني كنت محكم في عيون(ن) حالمة = مستمتع(ن) يومك تهيمي بالحكي مسترسلة
ما كنت اشوفك غير خجلى محتفيّة باسمة = في وسط نحرك تلعبين من الخجل مع سلسلة
من بعدها بتّت ظروف(ن) مانعتنا صارمة = واستوطنت وسط القصيد الي شغلني واشغله
اتخيّل الوجه الطفولي واكتفيبه وارسمه = في قومتي .. في جلستي .. في دفتري والطاولة
يا قلب رغم البعد ساكن خافقي .. بل حاكمه = يا قصة كانت جميلة مستثيرة موغلة
مع حبّ(ن) احياني وخذني بالغصب في عالمه = في رحلة ظلّت غريبة ما تجيب الأسئلة[/poem]





عناد بن سعيد