[نسيم السروات]

أهااااااه أهاااااه يالسلطانة حركتي علي المواجع انا اكثر إنسانه تعرضت للسرقات

والله ياقلبي انه محروق من تلك المواقف من الخبيثات اللآتي مايخفن الله عليهن من الله مايستحقين من العذاب

اهم شئ كان ينسرق مني بوكي بمافيه من فلوس وبطاقات خاصة بطاقات البنوك والمسشفى وغيرها

ودي ان الحرامي او الحرامية إذا سرقو ا البوك ياخذون الفلوس فقط عساها سبب لهم لكن ليه ما يردون البطاقات

والأوراق المهمة لصاحبها وش يبون بها هم يدورون على الفلوس فقط حسبي الله عليهم ونعم الوكيل .

باقول لكم على موقف واحد من عشرات المواقف اللتي صارت معي :

1) عندما كنت طالبة جامعية كنت اخر الدوام انتظر زوجي يجي ياخذني للبيت قلت في نفس ادخل المكتبة أقرأ شوي

قال لك اتثقف شوي الله لا يعيد حزتها المهم قالت لي موظفة المكتبة ممنوع تدخلين باغراضك المكتبه خليها برى وكان


فيه مكان صغير مثل السيب كل البنات يحطون اغراضهم فيه ودخلت المكتبة وجلست شوي ورجعت لأ غراضي كانت كلها

في كيس كبير وكان في داخل احد الكتب 500 ريال حطيتها ونسيتها ولكن لم تنسرق ولله الحمد اللي انسرق العباية والطرحة

والنقاب كلها . ادور يمين شمال مافيه فائدة جلست اطالع في وجيه بعض صديقاتي لعل ذلك يكون مقلب من احدهن وكل وحدة تحلف

انها ما تدري عن شئ طحت في مصيبه زوجي في الشارع ينتظرني وانا ماعندي عباية اطلع بها وجيتك جري على الإدارة ودخلت عليهم

على شكل مداهمة مروعه وانا اقول لهم انقذوني انقذوني وش اسوي بعمري عبايتي انسرقت وزجي عند الباب بيولع فيني لأني تاخرت

قالت لي وحدة منهم هدي روعك وروحي لمكتب الإشراف عندهم عبايات إحتياط رحت ماصدقت بخبر واعطوني ذيك العباية اللي كانها

خيمة تغطي عشر بنات وطرحة تجيب الهم شكلا ومضموناً المهم لبست عبايتي ونشرت الطرحة نشر من فوق راسي ما ابيها توقع فوق

وجهي عشان ما أشم ريحتها واطلع من البوابه كاني مخلوق عجيب غريب ما احد يعرف وجهي من قفاي والنكته المضحكة ساعة

مادخلت على زوجي في السيارة انفجع مني وقام يتنحنح يفكر اني واحدة داخلة بالخطا عليه قلت له امشي وانت ساكت اني نسيم

ماغيرها بس أني تعرضت للسرقة اليوم وجاني اللي جاني وكما تشوف الوضع مزري .

وبعد ذلك طلبت من شغالتي تغسل تلك العباية وتكويها وتبخرها عشان يمكن تنسرق عبايتي مرة ثانية والاقيها نظيفه عندهم ههههههه.

وفي النهاية لك الف شكر ومودة اختي السلطانه على موضوعك الأكثر من رائع

ففيه عبر وتنبيه لنا . عسى الله يحمينا من بنات الحرام قلي امييييييييييين .