[عاشق الاحزان]

سرى بي هاجسي واقفى خيالي يتبع ركابه
على وقت" رحل وسنين صارت شبه منسيه
تذكرت الغدير اللي عشقت الزين باسبابه
تمهل والتفت وامست رسومه داخلي حيه
تذكرت ابتساماته وذاك الثغر واعجابه
وذاك الورد الاصفر يوم اخذته منه بايديه
وذاك الوعد الاول يوم جيته والهوى جابه
وقال اقفيت عن شوفك وقربك لكن النيه
وجلساتي معه قدام بيت" ماتوا اصحابه
انا وياه في جلسه عن العالم خلاويه
قصيدة حبنا اذكـــــــر كتبناها على بابه
وصار البيت حي" يوم صارت فيه اماريه
تركني بعدها واقفى وطال الوقت بغيابه
اهوجس واشتكي همي وبعد سنين مقفيه
تذكرت وبكت عيني وسال الدمع باهدابه
على وقت" رحل وسنين صارت شبه منسيه