[العندليب]

احمد لله ماني .... مدرسه

والله يا أختي السلطانه تعدد أنواع السرقه وأصبحت هُناك مدارس إحترافيه وطرق متكتكه
في عمليات السرقه عن هؤلاء المُجرمين
البعض يستخدم لسلاح لغرض سرقة جوال
وأبو هنود والبنقاليه طايحين فيهم حرايمة أخر الليل وهو مسكين على دبابه ورايح البيت
..
ناهيك عن سرقت السيارات واللي بغت تروح سيارتي ضحيه
صحيت الصباح وحصلت قزاز السياره مكسور والسيارة مقلوبه فوق تحت
ولكن ضعيف الله مالقي شئ يجمل يبغى القروش قرشوا لحيه رحت صلحت القزاز ب 150 << تجاري طبعاً
تحسباً لعلمية سرقة ثانيه ..

..
والموقف الثاني وهذا اللي ما أنساه قبل أكثر من 6 سنوات تقريباً أيام جوال الفيصليه توي شاريه بـ 800 ريال
المهم وأنا أتمشى في طريق الملك عبدالله من محل في محل
قرب مني شاب عمره 20 سنه تقريباً قالي تكفى أنا ضايع وين هذا المكان أبغى أوصف واحد من أخوياي يجيني ياخذني
<< عاد جلس أخوكم في الله يشرح له هذا طريق الملك عبدالله مقابل السدحان يلف يمن تجيه أشاره
ووووو جالس ساعه الصداق يوصف ..

<< الله يعطيه على قد نيته ذا البقره

مالكم بالطويله طالع فيه وقال إذا عندك جوال تكفى أبغى أكلمه قلت أبشر الناس لبعضها
أخذا الجوال ركزوا في الإحترام بس ( دق على خويه وقال دق علي أنا أكلم من جوال واحد )
وركزوا في الصداق الثاني قلت له لالا كلم عادي الله يعطيك العافيه

المهم دق عليه خويه وجالس يوصفه وكل ماله يبعد شوي ماحبيت أحرجه وخليته << قلنالكم صداق(ن)
شوي سفط كابرس أنفتح الباب اللي ورا وأنطلق والله ما مداني أحرك رجلي الأولى الإ وماعاد أشوف الإ دواخن الكابرس

..
الوكان بعدها شريت جهاز جديد ورحت الديره إجازه وجاني الوالد وقالي أعطني بالله أكلم بجوالك
قلت حركات قديمه الكابرس مجهز تحت

وسلامتكم

ولكن ..

انا اقول من أمن العقوبة أساء الأدب
ليه ماتُطبق الأحكام الشرعيه
عمركم سمعتوا في نشرة الأخبار سارق حكموا عليه بقطع يده ..


يا أخي الرسول صلى الله عليه وسلم
قال ( والله لو سرقت فاطمه لقطعت يدها )
هذا وهي بنته

أنا أشوف لو ضحوا بواحد والإ أثنين أتعض غيره
وش المشكله نشوف واحد بدون يد
غيره يعرف إن الحكم الشرعي ..

ولكن لاحياة لمن تُنادي ..
هذا الأمر الذي أوجد مدارس إحترافيه لهؤلاء المُجرمين

حمانا الله

وشكراً أختي السلطانه
وأعتذر على الإطاله ..