[حسين المعنى]

[poem=font="Simplified Arabic,6,black,normal,normal" bkcolor="transparent" bkimage="" border="none,6,gray" type=2 line=0 align=center use=ex num="0,black""]
هلا يامرحبا واهلين بك ياخادم البيتين=تراحيب الغلا والطيب يامالكه ياميره

مجيك عاد بالفرحه وشكلنا له التلحين=وكلن ساق في جيتك لثاني تباشيره

كأنك غيث وقع فوق ديره مقحله عامين=ومن طيبه بدى فوق ارضها من وقعته خيره

غيابك يوم عنا ينحسب يامليكنا شهرين=وحنا مانقاوي غيبتك ناسن ولاديره

يابو متعب يبونا دونك الشعب الغني مسكين=يعيش العمر بالاحزان والحسارت والحيره

مكانك فالقلوب وقدرك اغلا عندنا م العين=غلا يصعب على الشعار توصيفه وتصويره

فداك ارواحنا ياولد ابو تركي بعسر ولين=تراك اللي ملكت اقلوبنا والروح والديره

عساك ابخير ياوجه السعد والمرجله والدين=عساك اتدوم يامن شدني حبه وتقديره

ضروف الوقت تحكمنا ولو لي فالوصول ايدين=ورب البيت متوخر بوصلك يابيض السيره

جميع المسلمين بحكمكم والله متمنين=يبونك تحكم العالم يبونا جد وتديره

يحسدونا على شانك يراعي المرجله والزين=وحنا فيك نتفاخر معا الجيران والجيره

وحنا لك مدام انك لنا واهلك لنا غالين=نقدرهم ولا نرضا بهم حبن على غيره

معاكم كلنا لو كان رحتم لا بلاد الصين=ولا فينا النفوس الخاينات السذج البيره

معانا وجه واحد مانحن من ناس ابو وجهين=وهو وجه الوفا ماجات به لفه وتدويره

معك روس القبايل صف واحد مايسير اثنين=وبيت ابوك والله ماحكمنا بالزمن غيره

ولو ماهو بشرع الله ماهو باقين للحين=وحنا تحت شرع الله ولا نقبل لتدميره

محنا مسلمين ان كان ماصرنا معك بانيين=وبيت الملك بيد الله تدميره وتعميره

محنا مثل مصر ولا مثل تونس ولا البحرين=ولي الامر مانعصاه ونفرق طوابيره

لونه عبد يحكم بالشريعه مانقله وين=نوقف له ولا ونصير بالدنيا جماهيره

الا يالله تحفض من حكم بالدين لين الدين=ولا تجعل ديار المسلمين لغيرها عيره[/poem]