[ابو نضال الدوسي]

السلام عليكم ورحمة الله وبركاته
والصلاة والسلام على أشرف الأنبياء والمرسلين سيدنا محمد وعلى آله وصحبه أجمعين

اخترت لكم القصيدة المشهورة للشاعر خالد الفيصل والقصيدة الاخرى للشاعر محمد بن راشد ال مكتوم وهي معارضة للاولى لشدة اعجابه بها

من بادي الوقت وهذا طبع الايامي
عذبات الايام مـا تمـدي لياليهـا

حلو الليالي توارى مثل الاحلامـي
مخطور عني عجاج الوقت يخفيهـا

أسري مع الهاجس اللي ما بعد نامي
و أصوّر الماضي لنفسي و أسليهـا

أخالف العمر أراجع سالف أعوامي
و أنوخ ركاب فكري عند داعيهـا

تدفا على جال ضوّه بارد عظامـي
و الماء يسوق بـمعاليقي و يرويها

إلى صفالك زمانك علّ يـا ظامـي
اشرب قبل لا يحوس الطين صافيها

الوقت لو زان لك يا صاح ما دامي
يا سرع ما تعترض دربك بلاويهـا

حتى وليفك و لو هيّم بـك هيامـي
سيّور الأيّام تجنـح بـه عواديهـا 000000000000
محمد بن راشد آل مكتوم ويذكر اسم الامير خالد فيها و القصيده بعنوان (يا مرحبا يا معنى) وهذه كلماتها :



يا مرحبا يا معنى خط الاقلامي
مثائل شوقتني في معانيها

حيّا المثايل يا سلالة نسل الكرامي
يا من بيوته عن الزلاّت يحميها

من داثر الوقت وهذا طبع الايامي
مرّات تصفى ومرّات الكدر فيها

كم وارد(ن) ضاميا صد درب الاحيامي
وكم وارد(ن) شرب من صافي مغانيها

لا تنظر اللي مضى وتعد الايامي
ارعى ربيع الزمان أول لياليها

حلو الليالي تعوض مر الايامي
ما يحسب الوقت و يفكر في ماضيها

لو كان ما بي تقساه جفت أقلامي
من حرتي أبدع أنفالي و أغنيها

ردار فكري يصوّر لي مضن زامي
في هندس الليل يوم أرتاح غافيها

يوم الخلايا تنام وفكرها نامي
حرام عيني لذيذ النوم يغفيها

حالي كما عشب صيف صابها الضامي
ولا كما وردة جفت نواديها

نار الغضى والتوقد في بحر طامي
(خالد) وعيّا مولعها يطفيها

ريم رعى في الفياض وزهر الاوسامي
قائد خشوف الجوازي في مفاليها

بأرض محيله ولو توطى لها أقدامي
تزهى وتضحك لها الدنيا وتحييها

سود الليالي مع سالفات الايامي
نأخذ مجازمها ونترك تواليها

نمشي على درب ما تأطأها الاقدامي
وإن وعرت الارض يعجبني المشي فيها

يا خوي انا ريت رويان وهو ضامي
يا كيف عطشان في جاري سواقيها

ريّح ضميرك ولو هيّم بك هيامي
حقا على اللي جرح نفسك يداويها

يا مفطر الوقت هذا شهر الصيامي
وليلة القدر في أخر لياليها

يا زين هد الوحش بعض الايامي
في ديرة(ن) قفرت عسره مضاويها

أشقر طويل المعنق يبري أعظامي
صوايده من فنادي الصيد يدميها

يا شيخ هذا زمان كلّه أنعامي
الذيب جايع وشبعانه حصانيها

لو كان يبغى يغزو نابها الدامي
يا كيف تكسر جوارحها طواريها

وكل مخلوق في الدنيا فلا دامي
لابد تنهي مغازلها مطاويها

وآخر كلامي بحرف السين و اللامي
و الميم و العين تتلاها قوافيها