^___(
)___^
مستحيل أنساك هـذا مستحيـل
ومستحيل أحب غيرك يـا قمـر
يا غناتي أنتي لدروبـي دليـل
وأنتي لعيوني الأماني و النظـر
والله إني ما أبي غيـرك بديـل
يا ملاك الكون يا أغلـى البشـر
لو بمثّل لك مثـل مالـك مثيـل
أنتي أغلى من ثمينـات الـدرر
أشهد اني ما أرى غيرك جميـل
أنتي فتنة العالم وبلوا هالعصـر
لو تقول الناس أبن زهبه هبيـل
ما علي امن الكلام إليـا أنتشـر
والله أن أمشي على الخط الطويل
لو دروبي دونها فيهـا الخطـر
يا غناتـي لا تحسبينـي ذليـل
سقت نفسي لك على كف القـدر
الأدب والحسن والخلق الفضيـل
قد تجمّع فيـك فعـلاً وأنحصـر
ملح مع طولٍ مع خصـرٍ نحيـل
والبياض يوضِّح عروقٍ خضـر
لين مع رقه مع طـرفٍ كحيـل
جل رب جمّلك بأحلـى الصـور
العرب من حولك اتطيح وتميـل
لا مشيت عيونهم تصبح عشـر
كـمّ رجـال غـدا منِّـك قتيـل
مات عاجز يوصلك مات بقهـر
مادرو إنك طب وعـلاج العليـل
اللي بأمراضه تعـذّب وانتظـر
شفتي هذا الوصف كله لك قليـل
وما أحب يطول أبغى المختصـر
لو بأعدّدلك وصوفك يـا جميـل
بأجلس أكتب طول أيـام الدهـر
كلمات الشاعر
حمد البجادي
مما راق لي
تحياتي وتقديري