|
|
روعة جدا وإبراهيم ماشاء الله عليه أجاد فن القلطة والمحاورة مع المطران
لكن سؤوالي هل إبراهيم الشيخي زهراني أم من أي قبيلة هو ؟؟؟؟
ألف شكر حفيد الفقيه على النقل الرائع بارك الله فيك .
|
|
 |
|
 |
|
ما عليك شرهه يا نسيم لا مادريتي عن الشيخي هو زهراني وإلا لا
الطامة باعلمك بها آنا
أيام الجامعة في أبها كان لي زميل اسمه (ح) الشيخي يدرس معي في الكلية وبعد فترة سكنا سوى في شقة وحدة
وطبعاً الأخ من مواليد الرياض وحياته إلى ما قبل الجامعة كلها كانت هناك .
المهم الرجال معروف بين الشباب بـ ( ح ) الشيخي ولا أحد يدري وش يرجع الشيخي ... وكان الأخ من باب الموانة يحب يعلق على الزهارين وينكت ويصفّ مع الغمد في بعض الأحيان وفي يوم من الأيام شفت الرجال كثرها شوية قلت يا (ح) اللي يسمعك يقول منت زهراني من كثر ما تنكت عليهم ( قم ترّب الله لحيتك ) والغريب إن الرجال ما علق على الهرجة زي ما كنت اتوقع (توقعته بيقول ايه أنا زهراني بس أحب أعلق وأوسع صدري ) تدرون وش قال .. قال من قلك إني زهراني ( الرجال يتكلم جد ) قلت قلي بن مصلح .. أنت منت من دوقة ... قال إلا .. بس وش دراك .. قلت قاله ابن مصلح في وحدة من قصايدة ( ويقصد زهران ) حدنا من دوقة لا مدري فين إلى رهو البر (نسيت البيت ) والمعنى في هذا البيت إنك زهراني يا بو الشباب
المهم الرجال كأن من صب عليه مويه .. قال بالله تتكلم جد يا ابو سالم .. قلت أيو الله إني اني اتهرج من عقلي ...
قلت أنشد أبوك وإلا جدك لا سافرت عندهم خميس وجمعة وتأكد بنفسك
مالكم بالطويلة الرجال سافر بعد فترة عند أهله ورجع يوم الجمعة يعرض ويغني .. ويقول انتبهوا أسمع واحد يغلط على الزهارين ... قلنا هاه يا (ح) وش العلم ... قام مسكني على جنب قال تبغى الصراحة يا ابو سالم ... كلامك صح .. طلعت زهراني ... قلت أرفع رأسك لا ترخيه وش معك مستحي .. قال يا خي ضميري يأنبني .. قلت ليه .. قال( وهو يضحك ) كم من زهارين من أخوياي طقطقت عليهم طول عمري وسويت فيهم العجايب والحين أكتشف إني زهراني
قلت طيب كيف عرفت .. قال سألت أبوي وبغى يفقعني كف لولا لطف الله .. وقال ما تدري إنا زهارين خيب الله رجاك
ولما تأكد إني فعلاً مضيع جاب لي صورة من تابعية جدي .. إلا ومكتوب فيها فلان بن فلان الشيخي الزهراني
قلت الحمد لله اللي ردك للصواب ومبروك حصولك على الجنسية .
العذر .. سامحوني بس السالفة جت عالجرح يالربع
شكراً لناقل المقطع والعذر يا بن الأجواد