[الراس الصغير]

اقتباس: المشاركة الأصلية كتبت بواسطة عساف      أخي الكريم بن روزه أنا أعرف جماعتيه الله يرضى عليك > الرجّال أثره شاور الصبية وجاك يخمخم ... أترك شور النسوان يا الرأس الصغير تبغى تدهورك > طيب يا ذكي خذ لك مديرة بنك راتبها 30 الف وريح عمرك هههههههههه ، أنا مرة قلت باقيس قدري عند أم علي قلت تراني بتزوج يا مرة .... سمعتي الكلام قالت من يبشرني بزواجك واهب له بشارة .. ومن يرضى بك يا عوير ، من بعدها هبيت لي شحمة وسكت ولا عاااد فتحت موضوع التعدد ....حتى يوم جاء تعداد السكان ما فتحت لهم الباب طُعنت في كرامتي و وسامتي

وانا اقول ليش نسبة سكان المملكه ناقصين ؟؟؟؟
اثرك انته مافتحت لحقين التعداد عشان يحسبونكم معنا

اما من جهة المشروع حقنا

فانك اسمع الكلام

انا استشيرها في موضوع القصر
قلت الى متى وانحن نظل عايشين في بيت مؤجر
الى متى وانحن نستنى صندوق العقار
الى متى الى متى ؟

وجت فكرة المشروع ووعدتها بخدامه وسواق ويكون لها جناح خاص في نفس القصر اللي بنشتريه

ومنها نعيش مع الخلق

وبشتري باص كبير عدد 50 راكب
نتمشى وهذا
يعني ما نبقي ولا ديره مانزورها

ومنها يزيد عدد السكان وهذا