[* كاتلوني *]

شيخة الحور وقمرهن
بيضهن واحلى سمرهن

واجمل اجمل من عرفت من العذارى

واكمل اكمل من مشت بين العذارى

والمحال الممكن والصعب والسهل

البعيد اللي وصل

وشهقة الشعر وزفيره

والاخيره


ريحيني من ابو زيد الهلالي

والملوح قيس

اقلبي التاريخ في عيوني تعالي

واشرقي بلقيس .

وامنحيني في الشهر حصة غرام

درسيني في مجازات الكلام

علميني الفرق

بين المبتدا.. وبين الختام

عافوا الطلاب جهلي ، وفكري المسكون حيره

وعفت انا التدريس والحصة الاخيره .

كل مهنة غير حبك يابعد عمري سخيفة

اتركيني فيك اهيّم

واتركي نبضي بكيفه .

رزقـتـي شوفة عيونك

والهيام اروع وظيفة !!

لاتلفيني بسكوت، ولاتذليني بصمتك

غردي يا لعنبوها خفقة ماصهللت لك

انحري رقاب الاماني والظنون

صبّحي عيد الجنون ..

وفجري بين العواذل حسرة تعمي العيون .

خبريهم من تكوني ..خبريهم من اكون

ولاتهابين السيوف اللي من الغيره مغيره


دام باقي للامل فرصة اخيرة ....