[البرنسيسة]

[align=center][poem=font="MS Dialog,5,#663366,bold,italic" bkcolor="2" bkimage="images/toolbox/backgrounds/49.gif" border="double,5,#CC9999" type=1 line=0 align=center use=ex num="0,0"]

في ظل تظليل السراب لقيت بطيوفك محل=يا بعض من كلي انا يا كل كل العالمين
اول شعورٍ اشعره جديد من عهد الازل=واضح وضوحه مختلف ادري ولا ادري لمين
احسه بقلبي .. هنا.. الا هنا.. كثر الامل=ما تدري انا من زمان في كل كلك هايمين
اتوه كلي منك فيك وارجع واضمك في عجل=يمكن في عروقي وجوه تشوفك الخوف الثمين
غيار طبعك في الغياب يقتله بحضورك خجل=تدري اني اشوفك كذا.. عاصف برقة ياسمين
وان ضاعت اعذار الحظوظ او شفت بالرغبه خلل=اموت في موتي عليك.. برغم لوم اللايمين
خلني اعيشك حسبما تمليه لحظات الوجل=مهما تسافر بك بعيد ترجعك تحلف يمين
ما تكرر الغيبه لذا ...لا افكر ادور بدل=طبعا .. ومن غيرك احب ..ينصب لي برمشه كمين
كذا كذا.. اموت فيك... من دون مِثل ولا مَثل=وش لون افكر والغلا يكفي عن أيماني ضمين
بالفعل شخصك لا يمل... واكبر تحدي للملل=اني اناظر شفتك.. تقتل حلوم الحالمين
اجل... احبك. وانتهى تكرار موضوع الزعل=ما تذكر اني قلت لك.. في يوم ( غير العالمين )[/poem]
[glow1=#FFFF00]
شاعرنا المتألق **العرنين**
شاعر مُبدْع لا بل الإبداع إستقى جماليته
من جمـال ماتقدم لنا .. من نصوص رااقيه وعذبه ..
صح الله لسااانك وأعلى شانك على هذا الجديد والفريد ..


سطّرتْ بالقَلَمْ ..
......................... وأبْدَعْتَ بِالكَلَمْ ..
................................... بـ أحّلَىْ وأجْمَلْ صَوتْ ونَغَمْ ..


اسمحلـي بتسجيـل اعجابـي بكـل بيـت !
نـص رائـع وفيـه الكثيـر من عذوبتـك ..
لاتحرمنا جـديـك***
لك أرق وأجمـل تحياتـي,,, [/glow1][/align]