[ابو يزيد الحريري]

تسلم يالذيب ... بخصوص سولك عن الوليد واباه ... لنا اسبوع واحنا نلقط في الاوراق .. التحاليل اللي بمستشفى المطار
الى مستوصفات الروضه نجمعها ونرسلها لمستشفى د الحبيب قالوا لنا نبي السيرة الذاتية حقت دمكم وشلون من قبل
لان تحليلهم في الحبيب يقولون تخثر بغزارة .. ولايمكن عمل عملية .. وهي خطرة ..

يالله نشوف هاليومين ونراجغهم والا نسترجع العربون من غير التحاليل اللي وصلت 4000الاف ريال ياخذون دمنا ونعطيهم فلوسنا
ههههههههه والله حاله .. اضنهم يتلعبون بنا ... عاد فيه طبيب مصري بالروضه قبل شهر رحنا له وقلنا له عندنا لوز ملتهبة على مدارس السنة قال خلاص باكر تعالوا ونشيلها لكم مافيش مشكله .. عاد سوينا تحليل عنده واضنه الابله ما شاف ان ان التخثر واصل
36 ، والعادي للشخص يقولون 23 ... عاد عندما راجعته امس وقلت ابي التحليل اللي عندكم قال ليه قلت له ابيه ذكرى ههههههه

بعدما اخذته وريته التحليل اللي معي بالورقة الاخرى الموهم خاف وقلت له هذا مثل هذا وشلون تبي تسوي عمليه تبي تستخرج اللوز بيدك وتطلعها من دون جراحه الموهم والله انهبل مشيت من عنده وهو محتار وقلت له راجع لك اتفاهم معك ...

تصدقون يا اخوان انتبهوا والله عندما تسوي تحليل دم خاصة عندما يكون فيها صفائح الدم او حيثيات تخثر الدم وركزوا
على ان يقرا الطبيب او بتاع المختبر زين وشلون التحليل ...

يالله هذا كله رد للفياض هههههه