رد: رآدار زهـرآن كفشكـ وانت مسافر ~~ تعآل هون ~~
هل تحب القيادة في خط السفر أم تحب أن تكون راكب ؟
عادي اي واحد بس يسمع الكلام لاقلت له هدي السرعه هههههه
من تحب ان يكون دائما بجوارك وانت مسافر ؟
كل عزيز وغالي بكل تأكيد
لو جعت بخط السفر ، هل تتوقف وتاكل أم تاكل بعد الوصول ؟
على طوووول اقرب محطه مافيها كلام ولانقاش
كم سرعتك في خط السفر ؟
مابين 120/160
تشغل المسجل في الخط ؟
فقط اذا كنت لوحدي
وش نوع السياره اللي تحب تقودها اثناء السفر ؟
بصراحه اللكزس ولكن حاليا اضطرينا الى غيرها جيب لاندكروزر
هل تحب ان تكون لوحدك في الخط ؟
بكل تأكيد لا
كم مرة توقف للراحه وانت مسافر ؟
كثير جدا بل اغلب سفرياتي بحكم بعد المسافه طبعا من الدمام الى الباحه مثلا
هل تفحص سيارتك قبل السفر ؟
اكيد واهمها الزيوت والاطارات
تحمّل معك عفش كثير بالسياره ولا يكون عفشك قليل ؟
والافضل يكون قليل ولكن ربما نظطر الى الكثير
لو انت مسافر وقلنا لك خذ معك عضو في خط السفر ، من تختار ؟
عضو واحد فقط ؟ احرجتني.
والله ودي كلهم اخذ نقل جماعي ونسافر كلنا نفلها صح ههههه
ولكن ودي يروح معي
السعدي لكن
قبل شهر تقريبا فاتته الرحله معي كان قلبناها طول الخط قارعه
في خط السفر ، تحب تتسابق مع السيارات الأخرى ، أم لاتلقي لها أي اهتمام ؟
لا القي لها بال ابدا
موقف لاتنساه حصل لك وانت مسافر ؟
الموقف
كنا انا واحد الاصدقاء متجهين الى جيزان طبعا من الديره واحنا مواصلين
المهم قلي يافهد انا دااايخ نوم وبنام وانت اذا جاك نوم صحيني وانا بسوق بدلك قلت طيب
المهم خوي رقد رقده طييييييييييبه بالحيل وصلت الى منطقه اسمها الدرب قبلها جنبت وقلت لخويي هيا تعال تراني ابغى انام
قالي ابشر ارجع المقعده الخلفيه ونام ولكن يافهد انا ما اعرف الطريق مضبوط
قلت معليك اذا صعب عليك شي علمني وانا بدلك ولكن برضه تابع اللوحات
اهم شي الان بقي 10 كيلو على محافظة الدرب خذ يمين وسيده لاتوقف قال طيب
خوينا مادري وش اللي بلاه راح سيده طبعا فهمني غلط يوم قلت له سيده لاتوقف ماسمع كلمة يمين
المهم مشا الرجال سيده طبعا الخط سيده يرجعنا على ابها
وصلنا ابها قلي يافهد قوم وش بعد ابها نسيد على خميس مشيط
انا مع النوم مدري وين انا فكرت اني في وسط جيزان لاننا واقفين عند اشارة قلت لخويي اتبع اللوحات حتى نوصل احد المسارحه وهي مقصدنا تابعه لجيزان
قال طيب
ويبتل ويوقف عند اشاره في الخميس
قال يافهد وشبك في ذا النوم قوم ياخي وش بعد خميس مشيط
قمت انا وبصوت قوي ( وش تقوووووول )
قال وش بعد خميس مشيط
قلت وين حنا قال طالع يمينك واطالع الا مدينه عسكريه بوابه رقم 3 مدري ا2 المهم عرفت اننا في الخميس
وبكل تعجب قلت لخويي وش السالفه
يرد علي هو ويقلي انت وش السالفه
قلت ياخي وش جابك الخميس
قال ياخي والله اول مره اروح جيزان ولا اعرفها قلت له يا ابن الحلال شطحت بنا شرق
المهم جنبنا نتفاهم يمكن لمده نصف ساعه حتى عرفنا السالفه من بعضنا
وقلنا يالله يعين على سفر جديد على جيزان ههههههههه
طبعا واحنا رايحين ما احد نام مررررررررررره الين وصلنا
احلى مره سافرت فيها ، متى كانت ومن معك بالخط ؟
احلى سفره كانت عمره مع الوالد واعمامي وابنائهم
هل تحب تسافر في الليل ولا في النهار ؟
الليل
نصيحة توجهها للأعضاء بشأن خط السفر ؟
مثلما نصحو اخواني اللي قبلي لازيد عليهم
آخيرا ، اختر عضو بعدكـ .
اختار
ابو عدي
لاني توني شيكت على المتواجدين حصلته نشيط ماشاء الله
شكرا لك ياصاحب الموضوع
تحياتي للجميع
ـــــــــــــــــــــــــــــــــــــ
|