[حسين المعنى]

[poem=font="Simplified Arabic,7,black,normal,normal" bkcolor="transparent" bkimage="" border="none,7,gray" type=2 line=0 align=center use=ex num="0,black""]
قال المعنى ليل الحزان الابلج=خيم على وقتي همومه وعجه

طول وحول دنيتي كلها عج=قطع فوادي بين وقفه وهجه

ارتج منه الصمت والخافق ارتج=والعقل سبب له ولروح رجه

هوجس بفكري يوم فكري تزوج=الصاحب اللي صال قلبي وخجه

اللي بهرج اهل الهوى ماتهرج=تزيد روحي من علومه وهرجه

مابين روحي والمشاعر تدرج=ياخذ على كل الاحاسيس درجه

جسمي على بعضه بحبه تبنج=ياويل حالي ويل من زود بنجه

طوله معي مايوم شفته تغنج=وانا وجودي كم تمنيت غنجه

وجود من هو قدم الاعيان كلج=او وجد عاقل طاح مابين صجه

لا راح شب القلب وان عاد ثلج=وده يحول من مقامه وبرجه

يقول مبغي في غرامي تدوج=والوضع متوثق ولاهو بدجه

العالم الله مابحبه تبرج=حبه بلعه الصمت والشوق لجه

ماعاد لي عن حبه اليوم مخرج=ابعد وفكري مع هوى البال سجه

اصبحت لا وامسيت في حبه ادنج=مسك معاه الفكر تمسيك لجه

اندج له قلبي كما السايل ان دج=من هو يرد الما بعد وضع دجه

قلبي وعقلي في غلا صاحبي دج=والله يعين اللي شعوره تدجه

ركب على ضهر الاماني ولا اسرج=من بعد ماوثق على الطيب سرجه

قامت له الاشواق فيني تروج=ولا اندج في عالم الحب دمجه

حاولت به حاولت به ما تدمج=وان قلت انا برميه لي ماتوجه

في عالمي وبعالم العز عرج=واخطت شباك الوصل في وصل برجه

درست له فهمت له ماتخرج=قلبه صخر يبدي وهو من سفنجه

يدفن وهو من زود شوقه تخلج=وده ولا وده مع الشوق زلجه

لكن يخاف الموت لامن تزلج=بعده يزلزل له وقربه يصجه

فكري وفكره مع بعضها تبرمج=تاخذ على الفرقا وللقرب حجه

تمت وصل الله عدد مالفى الحج=على الذي كمل للديان حجه[/poem]