[ابوعبيد]

عشان نار الشعر تبقى حيه
...............ابدا بذكر اللي وسع كرسيه
كل السماوات العلا والدنيا
...............والارض واللي بينها مخفيه
ثم الصلاة على النبي محمد
...............اللي ليوم الدين يبقى ضيه
من بعدها قم يا نديبي تكفى
...............عندي رساله عاجله فوريه
مضمونها الحب النقي والطاعه
................كتبتها قبل الفجر بشويه
مبغي اذان الفجر وقته ياتي
...............حتى توصلها ورى الدرعيه
خذها بلا تأخير لابو متعب
...............عساه يتقهوى بها الفجريه
ويعرف اني ما رقدت الليله
...............من قبل ماقله عن اللي فيه
ياسيدي ونا لمثلك خادم
...................اقولها بالسر واعلانيه
اشهدك بني لك مطيع ومخلص
...............وني على ماقول صافي النيه
ماهو علاشانك ملك ومعظم
...............ولا عشان اتزيدني اكراميه
لا والذي روحي وروحك بيده
..............محبتك في القلب جت فطريه
كم من ملك وده لونه يملك
...................ربع الذي تملكه لو جبريه
يفرح ليا قله فلان احبك
...................ونته يحبك شعب بالكليه
ياكيف لا.ونت الامام العادل
.................ونته ابو الاحساس والحنيه
ونت الذي قلبه فتحه لشعبه
...................وقال انتم ساكنين اهنيه
انت الذي تسكن قلوب عيالك
....................واقلوبنا دايم بحبك حيه
ياسيدي ارجوك لا تتكدر
..................لا ينشغل بالك بذيك وذيه
شعبك معك واقوالهم من قولك
.................ما عندنا به حزب او قوميه
ماهمنا من شرذمه واتوابع
............او ما يسمى الطائفه الشيعيه
دام ان شرعك من كتاب وسنه
............تبقى البلد باذن الولي محميه
ماعاش من يبغي يخرب فيها
...................ولا يحاول بث سم الحيه
والله لنصليه اللضى من سمه
...............ويصير ظمن اوراقنا المنسيه
يا سيدي نم واهتني في نومك
..............واحكم وروحك راضيه مرضيه
غيرك عجز يحكم ويرضي شعبه
...............ونته رضيك الشعب بالكليه


مع تحياتت\ فهد ابو عبيد