تذكرت خادم جدته الله يذكره بالخير كان يحب ينزل مواضيع من هالنوع .. وكان آخر مره طرح نفس موضوعك قبل شهور ليست بالكثيرة
والله ما اعرف اخوي كبرياء وش اقول لك .. ياكثر ما حكينا بهالخصوص وحاولنا إقناع الناس بأن أغلب الممرضات شريفات لكن طبيعة المستشفيات وإختلاطهن بالرجال جعلت البعض يسيء الظن بهن وأن كثرة الاختلاط تخدش حيائهن مع الوقت ، مع إني اعرف ممرضات ماخدش التمريض حيائهن وبالمقابل بعض النساء يعملن في مدارس أو غيرها بدون أختلاط وحيائهن مخدوش .. يعني بالعربي الحياء في فطرة المرأة ويزيد أو ينقص على حسب قوة دينها وتربيتها وليست هي العوامل الخارجية "كالاختلاط مثلاً هي السبب في قلة حيائهن ..
مع العلم بأن بعض الموظفات "خدمة عملاء/ ممرضات" في المستشفيات واللاتي يتبرجن تبرج الجاهلية الأولى هن أساس زرع سوء الظن بجميع الممرضات بلا استثناء .
طيب ليه مايكون في سؤال بنفس الموضوع موجه للبنات .. هل ترضين تتزوجين ممرض أو دكتور ؟
يعني ترى حتى بعض الممرضين والدكاتره يتميلحون على النساء في اسياب المستشفيات .. وإلا الناس لسى باقيه على ثقافة "الرجّال حمّال عيبه" ؟
واخيراً .. إذا كبر ابني الله يحفظه وبغى يتزوج ممرضة ماعندي مانع بالعكس باكون مبسوطة في حالة تم السؤال عنها وعن دينها وأخلاقها بغض النظر عن مهنتها طالما إنها مهنة لا يمقتها إلا ...!
ولو عندي بنت وحبّت تدرس تمريض برضو ماعندي مانع لأني راح اكون واثقة من تربيتي فيها اكثر من ثقتي فيها .. ولو ماجالها عريس سعودي الحمد لله باب تزويج السعودية بالاجنبي مفتوح إذا كان على خلق ودين
شكراً كبرياء .. دمت في خير يارب ..!