طرّف جفن عيني لمكحولة العين
عيني ايقضت فيني من الشوق ما كان
خيط الولع خلاّني أتبعك يا زين
خيطٍ جذب في خاطري حرّ وجدان
راح الفكر ينظم من الشعر بيتين
شاقه بنظم الشعر مرسوم الأعيان
شفت الحلى فيها يوصف بوصفين
وصف الحسن و وصفٍ يبيّن لها شان
يا ظالمة غضّي من الطّرف تكفين
لا تودعين النفس لبيض الأكفان
يا ماخذه بلا عطا للبعد وين
توني معك شفق ما ذقت سِلوان
الله وأكبر ليت لي معك وقتين
وقتٍ تعيش النفس بك حلو الأزمان
وقتٍ نهاره ليل والعين بالعين
أسهر ونومي ما يعارض لي أجفان
أسهر بليلي والقمر وجهك الزين
مِنور حلو يكسف حياء غادي ألوان
فيني من الوجدان والشوق حلمين
عسى خفوقي يشمله منك الإحسان