استبشري يادارنا عاد غاليك
كلمات الاستاذ / محمد علي بن خميس العويفي الزهراني
استبشري يا دارنا عاد غاليـــك
عاد الملك راعي الوفا والشهامه
بافضل ملك كل الخلايق تهنــيك
راعيك راعي المرجله والكرامــه
يا دار أبو متعب عسى الله يخليك
فوق النجوم اللي تعلى غمامــــه
دقي طبول الفرحة قد عاد راعيك
والحمدلله عاد لك بالسلامــــــــه
هذا المليك اللي يحبك ويغليـــــك
بعودته عادت لك الإبتسامــــــــه
إنتي في المعمورة ماحد يساويك
شعارك التوحيد وسيف الصرامه
عاد البطل صقر العروبة يناديـك
سكناه وسط القلب عالي مقامــه
كل الشعوب كل الدول والمماليك
فرض عليها هيبته وإحترامـــــه
يا دارنا خير البريه سكن فيــــك
اللي بنوره زال عنك الظلامـــــه
يا دارنا عهد علينــا بنفديــــــك
حنا وبو متعب وسلة حسامــــه
يا دارنا نطلب من اللــــه ينجيك
واللي يحبك ماعليه الملامــــــه