|
|
أختي طوق سؤالي لو الرفض من قبل أهل البنت بعد الموافقة فما موقف من جميع الأطراف واتا والدها ورفض على سبيل المثال ويكون الحال على المتقدمين هل يكون نفس الوضع ويقطعونهم قطعاً قوياً بهذه الطريقة أم الصفح من شيم الكرام .
وهذا ما أريد الوصول له لا أريد أن يكون في قلوبنا حملاً على من أخطاء بحقنا أو كانت هفوة فل تكن قلوبنا عامرة بالتوادد وعلى قول المثل ما فات مات ونبقى أحبة يسودنا التراحم فنحن مصيرنا إلى نهاية لا يجد فينا صديق يقف معه وحيدون بين أركان قبر بالمقاس على بنية الإنسان المسكين ..
نسأل الله العفو والعافية ..
شكراً أختي لمداخلتك وفقك الله ..
|
|
 |
|
 |
|
حسستني إني شطحت
وعذراً عالشطحه احيانا الواحد يتحمس ، لأن الموضوع حساس جداً
والله اخوي ابو مراد لو قلبنا الموضوع وإجابة على سؤالك لو كان الرفض من اهل البنت فأقول لك غالباً البنت لها شروط معينة فتتم الموافقة أو الرفض من أول سؤال عن الخاطب لكن مايحق لها ترفضه بعد ما اتفقوا الجميع على كل شي وهي اعطته موافقه مبدأية الا اذا كان عذرها واضح وصريح بدون لف ودوران واسباب قوية جداً ..
فمثلاً شخص خطب بنت وبعد ما اتفقوا على كل شي يجي يقول ترى هاااه بنتكم بتسكن معنا في البيت لان احوالي المادية ماتسمح لي استأجر شقة لمدة كم سنة !! وهو اخوانه سباطعش كيف بتعيش معهم وتصير تروح وتجي بينهم بجلال الصلاة وليه ماتكلم من البداية أنه ماراح يأمن لها بيت مستقل عن حموانها ، ومع ذلك اهل الخاطب متفهمين الوضع وحتى بعد زواج البنت من شاب آخر وكذلك زواج الشاب من بنت اخرى لازال التواصل وتبادل الهدايا ويتشرفون بعزيمة بعضهم في الحفلات .. لأن كلا الطرفين صريح في مطالبهم .
والا واحد يتم كل الموضوع وفجأة يكتشف اخوها أن الخاطب راعي معاكسات وشراب ! هنا الاخ يقول للخاطب الله يستر عليك مالك نصيب عندنا واذا سأل عن السبب يقول له والله سألت عنك عند فلان وعلان (ناس من اصحابه في الاستراحة اللي يمارس فيها خنبقته) هنا الخاطب بيبلعها ويسكت ستراً على نفسه وكأن شيئاً لم يكن .. هذولا يمكن الشاب يصير ماله وجه ولا يحضر مناسبات اهل الخطيبة السابقة لكن اهله يتواصلون مع اهل الخطيبة لأنهم لا يعلمون عن شيء إلا بأن ولدهم راضي عن رفض الناس له بقولتهم مالك نصيب !
وقيس على هذي الاعذار باقي الاعذار المنطقية والصريحة لكن ترفضه أو يرفضها بدون سبب وبعد الاتفاق هذا جرح كبير للطرف الآخر
وعذراً عالعودة
