[بحر القوافي]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

مالي على العربان شرهة ولى لوم= لومي على روحي رضت بالنكادي
ولا لي بكلمة تشعل الفتنة للقوم =فتنة تغير اسهومها والجيادي
اقوى المعارك خاضها الفرس والروم= تاريخها منقوش في كل وادي
اليوم يا شداد جا دورك اليوم= اهل القصايد في حروب وجهادي
شا عر قصد في حفل ما هوب معزوم= وده يثيت موقفة بالعنا دي
وشا عر من الأعلام له خق مهضوم =صوتن بلى صورة تضيع الروادي
لو كانت ارزاق للبيع والسوم= ما سابقة سرب الصقور الجرادي
مرت علوم وبا قي امرر اعلوم= وعبيد ما يدري بغا ية مرادي
وش مقصد الهندي الى قال معلوم= قصده على هرج السعة والبرادي
وكم ضالم قد زار المحاكم ومظلوم= وكم حكم صادر بالسيوف الحدادي
اسرق جمل ولا ترى افضل لك الصوم= قال المثل هذى الكلام الوكادي
وشحال رجالآ من الطيب محروم= عايش حياته منطوي وانحيادي
سوات تمثالآ على الرجم مرسوم =ماله ونيس ولى صديقآ ينادي
ترى البحر غدار يا شاطر العوم= طوفان مد وجزر والمؤج هادي
عمق البحر به فيل من غير خرطوم= يأكل سباع البر ذيب وفهادي
لو شافته عينك ترى يومها شوم= اخطر من الحيتان ما هوب عادي
ما حد مكلف بالمخاطر وملزوم= لا به غدير ولا مسابح نوادي
مرت علوم وباقي أمرر أعلوم =وعبيد ما يدري بغاية مرادي
يبقى الهدف في طبخة الزيت والثوم= من جابها حرمت شربي وزادي[/poem]

.
.