[حسين المعنى]

[poem=font="Simplified Arabic,7,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يوم اقبلت وانا على جمرة الشوق=احسبتها تطفى وزادت لضاها
قد شافها قلبي ومن بعده الموق=قامت على صوبي تساحب خطاها
من بعد ماناديتها داخل السوق=ماعد بقي الا وقتها انا وياها
قمنا نسولف والسوالف على ذوق=تاخذ معي بالحكي واخذ معاها
محدن تعمق كلها فوق لا فوق=ماودها ضيقي وودي رضاها
كانها صيفن تلاوح بها ابروق=اعمت عيوني ماتحدد سناها
تقفل لمفتوحن وتفتح لمغلوق=عجزت لعرف صوبها من خطاها
متعمده للعوق وانا اكره العوق=ماشفت فوق الارض من هي كماها
وامسيت انا مابين عاقل ومطفوق=ثقلت لاكنه فضحني غلاها
اعطيتها المضمون بسراع وارفوق=ماودي اتعبها ولا بغي عناها
تلخبطت وانا تلخبطت محروق=سكوتها يشوي وشوقي شواها
لا حلقها فاتح ولاهو بمخنوق=فتره طويله ماكشفنا خفاها
وانا شنب والدقن ماهو بمحلوق=وهي عزيزه ماتخلي غطاها
عاداتنا ماتختلف غرب وشروق=واكبودنا ماعلها الا ضماها
مامثلها حسيت بالكون مخلوق=فيها ذكا سبحان من هو عطاها
بغيت انا اسرقها وعوت مسروق=فقدت قلبي مير جعله فداها[/poem]