[عاشق الاحزان]

ماعد علي من العمر ويش ابي به
ماعاد ودي عيشتي صرت مهموم
لامن غدا الهوجاس رمز اقتدي به
يسري بقلبي والحشى دايم الدوم
وصارت حياتي بعد هذا صعيبه
من لذة الدنيا غدا القلب محروم
دنيا كدر والله دنيا عجيبه
كم جرعتني من غثا همها سموم
وين الفرح وين الهنا من يجيبه
صار الفرح من داخل القلب معدوم
حتى السهر ياناس جسمي رضي به
سهران ماعاد اهتني لذة النوم
واليوم صرت ادفع لهمي ضريبه
همي يجيني كل يوم" بعد يوم
القلب لازم يقتنع في نصيبه
هذا قدر مكتوب للقلب مرسوم