[الراس الصغير]

خطاء
انك تكون واقف عند اشارة المرور وزحمة سيارات ينتظرون الاشارة الخضراء وبعد ماتولع الاشارة الخضراء تسمع من الخلف اصوات من صواعق البواري
طوط وطاااط وطيييط تحرك بسرعه ياخي لا تغضب الاخرين ارجوك
الناس مستعجلين يبون يلحقون الاشارة الخضراء قبل ماتولع حمراء

الصحيح
اذا ولعت الاشارة الخضراء وسمعت البواري من خلفك طوط وطيط وطااااط فلا تتحرك ابقى في مكانك عاندهم ولاتتحرك وخلهم يطرطعون و يتوبون ماعاد يدقون بواري مره ثانيه لانهم مزعجين من جد
مايبغالهم الا كذا


خطاء
اذا دخلت محل لكي تشتري غرض معين لاتكاسر في السعر لانه لن يغشك واذا غشك في السعر فلا تندم وتتكدر على انه غشك بل اشتري غرضك واذهب في حال سبيلك بكل هدؤ

الصحيح
كاسر في السلعه ونشف ريقه الى ان يقول خذها بلاش وفكني واللي يرحم والديك
وخله يقول لاعاد تجي تشتري من عندنا مره ثانيه
واذا ما خفض لك في السعر فقول انتوا حراميه واخبطه داخل المحل ولا عليك منه لانه حرامي واتفل ملا وجهه واخرج من المحل بسرعه ولاتخلي احد يشوفك

خطاء
تشوف ولد صغير يبكي عندك وتقول له وش فيك حبيبي تبكي وتحاول تلاعبه حتى يسكت وتداريه وتحاول انك تهديه وتراضيه وتهتم فيه لان امه في المطبخ تطبخ لك وجبة عشاء والصغير صغير مايعي ولا يحيط

الصحيح
اذا شفته يبكي اصمقه جنب دالعه وقل انقلع عند امك وصيح في امه تعالي شيلي الزفت هذا ازعجنا بالبكاء حقه
اعذبلله من ابليس ماحد يرتاح في هذا البيت
واذا تقدر تخرج من البيت فيكون احسن لك لانك عصبي ماتتحمل الاطفال ولا بكاءهم




طبعا الموضوع ومافيه مجرد منوعات ساخره بطريقة الصح والخطاء اعكسوها وطبقوا الصواب اللي يناسبكم ويناسب سلوككم في حياتكم
لان الاسلام سلوك ومافي غير السلوك الصحيح
اللي عنده زيادة معلومات يضيفها نبي نستفيد ونفيد المجتمع