[الزهراني حسام]

اخي ابو باسل
قبل اسبوعين كنت حاجز من جده للرياض يوم اربعاء كان الاقلاع الساعه 4 ونصف العصر طلعنا الطايرة ورجعونا من المدرج ونزلونا في الصاله داخل المطار واعلنوا عن سوء الاحوال الجويه وحددوا الساعه 8 مساء للاعلان الوقت الجديد للاقلاع انتظرنا وجت الساعه 8 مساء وقالوا نحدد لكم الساعه 1 بعد منتصف الليل وانتضرنا الى 1 ليلا تخيل امتلى المطار بالمسافرين لدرجة والله ماتقدر تمشي جت 1 في الليل والمشكله ان رحلات الساعه 8 مساء ورحلات 10 مساء المتجههة للرياض اقلعت ورحنا الساعه 1 لموظفي الخطوط وكانت الكارثه يقولون الطيار والطاقم حق رحلتكم رفضوا السفر والاقلاع بالطايرة شف العذر الاقبح من الذنب .. طيب يعني ؟؟ قالوا انتظروا جن جنون المسافرين تهجموا على موظفي الخطوط وتجمهروا داخل الصاله واقتحموا مكتب المشرف والله انهم هربوا من خلف الكاونترات والمشرف ترك مكتبه وهرب وردد المسافرين هتافات من ضمنه (( الملحم وينه .. في الاستراحه))
والله يااخي ما طلعونا الطايره الا الساعه الثمنه صباحا ووصلت لبيتي الساعه 11 الضهر تخيل من اليوم اللي قبلها 4 العصر شوف كيف الذل والاهانه واللا مبالاة بالناس
تخيل هذا الوقت الطويل فيه شايب جنبي بالصاله معه عائله كبيرة يقول والله انقطع الحليب عن طفل رضيع معي ولا فيه في المطار حليب والاسعار بالمطارات اضعاف مضاعفة ووالله ان الاطفال من الطفش والتعب يبكون يالله عذاب ..

لابد من فتح المجال لشركات طيران منافسه حتى لا نعاني مع الخطوط السعوديه التي والله والله تنظر للشعب كأنهم بهائم مع احترامي للقارئ

تحياتي