[ولدسعدي]

بسم الله الرحمن الرحيم


السلام عليكم ورحمة الله وبركاته

هذه قصيدة رثاء لخالي هريش بن فلاح بن صالح السعدي الزهراني في ابنه الملازم صالح

رحمه الله الذي اغتالته يد الغدر وهو في مكتبه اثناء تأديته عمله وذلك في عام 1416 هـ



البـــــــدع
************


كم من ديارٍ غاب عنها قمرها




يالله يالي امره حقيقه ومحـــتـــوم 0000 ماحد يعارض في قضايا امرها

تفرج لمن هو عنده القلب مكتـــوم 0000 عايف من الدنيا وعايف سمرها

يومي غدا ليلٍ وليلي بقـــــى دوم 0000 ودنيا دنيه كم يفاجي خبرهـــا

لا تامن الدنيا ترى ايامها شـــــوم 0000 ياسرع ماشبت وحرق جمرهـــا

تضحك وتبكي بين ظالم ومظـلـوم 0000 في الوجه والقافي تبين غدرها

ومن بعد صالح مادخل عيني النوم 0000 إلا الهموم الي تباري سهرهــــا

والله ماحد لامني واكثر اللـــــــوم 0000 إلا على الوجنات سالت عبرهــا

عليك يالي ما عصاني ولايـــــوم 0000 وفي طاعة المولى حياته عمرها

الموت خذ جدك وهو ريس القـــوم 0000 وكم من دياراَ غاب عنها قمرهـا

اودعتك الله وانت في القبر مردوم 0000 مثواك في العدل المثبت حجرهـا

عساك في الجنه مع كل مرحوم 0000 تنعم بما فيها وتقطف ثمرهـــــا




الرد من الأخ / عثمان بن احمد بن خضر ابو همين من قبيلة آل يحمد




يالله يامن زلزل الفرس والـــــروم 0000 براية محمد والصحابه نصرهـــا

تجبر عزى من سيف خطره مثلوم 0000 وفعل المنايا واضحاَ فيه اثرهـــا

وصابر وراضي بالذي منك مقسوم 0000 ويدري ان روحه لك بعد مستقرها

دنيا دنيه مالها طبع واسلـــــــوم0000 كم فرقت بين الغصون وشجرها

والناس فيها بين زرعاَ ومصــروم0000 واعوامها فينا تسابق شهرهــا

شفنا هريش يسّطر الحزن منظـوم 0000 في موت صالح والعباير نثرهـــا

يبكي ولايلام في غالي الســـوم 0000 لو ما بكى تفقد عيونه نظرهـــا

يبكي على من مات بالغدر مسموم 0000 الله يغدر من حياته غدرهــــــــــــا

صالح شهيد الغدر ما مات مهـزوم 0000 وان مات للواجب حياته هدرهـــــا

لو ما البلد بالشرع والدين محكوم 0000 عزوته للعدوان غدّة نحرهــــــــــا

بسيف العداله ياهريش انت مخدوم 0000 تشفي غليل النفس من الي قهرها
*****************************



رحمه الله واسكنه فسيح جناته



اخوكم / ابوسيف