[بحر القوافي]

ياابن قشموع سوق البدو طيّح مكانت جاملي:
كانت الناس ذاك الوقت ما تمدح الافي جملنا:
يوم كانت ديار الخبت دون الطلب واجمالها:
بعد ذاك المطروالسيل مرالتهم وش ريع راوي:
محسن الجو يوم الشمس محجوبه من سدالغّيوم:
جاني الشيخ بن بسام يعرض علينا صعب غالي:
قلت له يا ولد ذالصعب محلاوصوفه شي خطير:
قال خذته بخمس الآف مرض اليمن وشرايك انته:
قلت له المشتري محظوظ مليّون والبايع شقي:
لكن ماضّن بسواق الحبش واليمن يوجد مزاين:
وش الذي تعرض الصومال بسواقهاوش ليبيه:
ماهي مثل الوضّح والشعّل ذا شفتها بديارشمر:
و المجاهيم ما غير الدواسر قناء زين البكار:
قال ليتك تجي جيزان بالعارضه وتمر صبياء:
والا تمضي بسوق الخوبه وقت النهاروسوق بيش:
والذي في محايل قال هذا السنه ما مثل ثلبيّ:
اكرمته من علف وافي وقد زان حاله وانتعم:
قلت وش دخلك توصف لنا اسواقنا وانته يماني:
ما بقي الا توصف لي بقر صامطه يا بن عجم:
فات راعي الغنم يتسيد اسواقها والحكر فاته:
وانت توصولف لنا لكن منته بصادق بالوصوف:
قال انا ضقت ماعدلي على اسواقكم جوله ومنشر:
ماعد بوصف لكم من باقي الذود صفرولا جهم:
قلت رح في لقاء بقعاء وقلل كثير الكلمات:
خل ذاك الهدف يبقاء بقلة جبال اجاوسلمى:
من يدور لتعبت خاطره لا هياءيروى سقوم:
وانت يسعيد لا تنهج مع أمسيلمه وابونواسي:
ودي البسك محبوك بشت الحسى والدوبلين:
خلك ماشي على منهاجنا لاتصيف ولاتحول:
اصبران كان جالك تعبآ يابطل والصبر زين:
مخبر انك غشيمأ في علوم الرجال ولاانت جاهل:
ولا اخبرانك على مال اليتاما وكيل ولا وصيت:
انت منا وفينا ياابن قشموع قيدوم الرفاقه:
ونحن والله ما نرضى بظلم العواني والرفيق:
دام صمتى شهررمضان قبل الفطرتمم صيامك:
شف شدا قبل وجهك شوته بالقدم والا انطحه:
غير لا تتهم صاحبك ذا ما يبور ولا سرق:
انت اعميت عينك لاتقول يالرفاقه من عماني:
لين جاء الحال في شخصيتك جورعله وانفصام:
والمعاني تراها عندنا مثل سيف وحد مّوس:
خذها مني نصيحه لا تكذب علينا ولا تجينا:
انت تدري جمال الشعرواعذبه ماكان اكذبه:
أقسم بالله ذا ينشي مناشي المطروانشاءرعودة
انك تدري بذاك العلم لاكن ما علمتنا: