[الحلم0]

هذه قصيدة كتبها إبراهيم بن منصور السويدي الزهراني
وقد أرسلها لمحمد خلف وهو أحد الزملاء
وقد أعجت في القصيدة وحبيت أن أنقلها لكم وأرا رأيكم
فلا تحرموني من مشاركاتكم


نرسل تعازينا لصف المنتخب هو والرديف _
ولأدارته وجهازه الفني ولأعضاء الشرف..
راحوا يبون الكاس ما جابوا ولا حتى وصيف _
الكاس راح ومستوانا اليوم جاب لنا القرف..
اللعب فردي والوسط ضايع وحارسنا ضعيف _
تقول حارس منتخب مكاو جاي لنا سلف..
ودفاعنا مهزوز ومن اول كما الحيد المنيف _
وهجوم متلخبط ويغفل كل لعبات الطرف..
من عقب ما كان اسمنا بين الدول يرجف رجيف _
من شافنا ذلحين يحلف ماش لاعب محترف..
يا شينها لا حول الظابط إلى رتبة عريف _
وياشينها لا صرت بين الناس فعللك مختلف..
الحادث اصبح مشترك والجسم ينزف به نزيف _
صار الخطا خطآ مهد لا مطب ولا ملف..
اول خطا من فكر باكيتا وتفكيره سخيف _
ولا فيه خير اليا جلس والا ليا منه ذلف..
ومالك معاذ اليا انطلق تقول مجنون وكفيف _
وياسر ذبحنا بالأنانيه يبي يسجل هدف..
والصقري اللي كل ما يمشي على وجه يهيف _
وعطيف حقه لو صرفتوا له ترى حزمة علف..
واما انت يا الحقباني احسن شغله تسجل مضيف _
مرآ تجيب الشاهي المحكور ومرار الشقف..
وحمد وهوساوي على جده وعند اقرب رصيف _
ويزاولون المهنه اللي تخدم اصحاب الترف..
ومحمد الشلهوب لاعب كنه السيف الرهيف _
لكن جسمه ناكبه ما يحتمل ضرب الكتف..
وسعود في لعبه يشابه لعب خالد بن شنيف _
اللعب واحد والمحصل صفر والناتج حذف..
طلعت فضايحنا وهذا المستوى واللعب شيف _
في دورة من لجنة الفيفا بحجم آصغر ملف..
اظننا لو كان شاركنا بنادي من عفيف _
جاب البطوله وعتلى على منصات الشرف..
هذي الحقيقه مهزله تنشر على اسلوب طريف _
واجمل تحياتي لابن عمي محمد بن خلف..