[ابو ثامر]

(ياعرب فكوا الدرايش)

ياعرب فكوا الدرايش
عمكم صدام عايش
واخرجوا من غير خوف
...والعبوا من غير خوف
لا رماح ولا سيوف
من يبشر سنة الشعب العراقي
ومن يروع خاينين العهد
واذناب النفاقي
مدري هي هذي حقيقه
والأمل والنصر هل هذا طريقه
والا هي كذبه جديده
اذكر انه بعيد الاضحى
مات مشنوق وتعلق
واذكر ان القاتل المجرم تسلق
وفك حبل المشنقه وكمل مراده
وفك حلق القائد الفاني
بسكينه وزاده
وانتهى عمره ومات
وانتهى مايه وزاده
واذكر ان الحزن ماخلا مواطن
من بني العربان
في كل المواطن
كم كتبنا من مراثي
وكم مدحنا وافتخرنا
بالبطل بالقائد الحر المبجل
كم فرحنا وافتخرنا
يوم صدام يتشهد
وكلنا وبصوت واحد
كلنا كنا نقول
والله لو غيره تجمد
ياعرب فكوا الدرايش
عمكم صدام عايش
ويل مخلوق شمت به
ويل من هو كان سبه
اما انا من حسن حظي
اني في ليله مدحته
وقلت له من كل قلبي:
(سلم على راس ن كما راس صدام
ــــــــــــــــــــــــــ ما اهتز حتى تحت ظل المشانق)
ياعرب فكوا الدرايش
وانفضوا غبار الغوايش
وافرحوا والعز بالله
لاهموم ولا مذله
واشكروا (سبق) الصحيفه
ياعرب لحظه معانا
فاصل :::: ويمكن نواصل
والا يمكن مانواصل
ياعرب عدنا معاكم
نكمل النكته الطريفه
معكم الكاميرا الخفيه
من صحافة نجد
من سبق الأبيه
اضحكوا من غير حاجه
وابشروا بصدر الدجاجه
اضحكوا من كذبة ابريل الجديدة
ياعرب فكوا الدرايش
خلوا العقل يتنفس
ليلكم بارد وطول
وصبحكم طال انتظاره
انكتم تحت العمايم
والمفطح فاالصحون
ويلعن ام اللي يخون
وش لكم وش للغنايم
يارعاة الشاء
يااصحاب البهايم
ياعرب ياقوم مدري
ياعرب ياقوم يمكن
ادخلوا وصكوا الدرايش
واحلموا ...بصدام عايش

سعد العدواني