المشاركة الأصلية كتبت بواسطة سعد الحبيطه
بســـــــــــم الله الرحيمًُ
سلام عليكمً مرحباًُ بكمً صحبةً الخلانًُ وعليكم السلام ومرحباً بك عدا ماصهر الحديد ولان قبل ان ابداء احب ان اوجه لك تحيه استاذي سعد على الموضوع الجميل واتمنى من كل قلبي لك بأجمل الاوقات واسعدها س/ متىً تعلمتُ القيادةُ وكم كان عمرك ج/ اول بداية لي في القياده كانت في عام 1409هـ ولن انسى ذالك لاني كنت اعشق القياده فما صدقت ان والدي رحمة الله عليه بداء في تعليمي بعد عدة محاولات وانتم عاد تعرفون الشقاوه عشتها كامله آه آه على ذيك الايام . س/ من علمك القيادة . ج/ لقد قام بتعليمي والدي رحمة الله عليه رحمة واسعه وعلى اموات جميع المسلمين س/ أول سيارة تعلمت عليها وهل هي ( عادي أم توماتيك ) ج/ اول سياره تعلمت عليها طال عمرك هي من نوع هايلكس غماره واحده موديل 84 س/ هل تعرضت لحادث يوم من الأيام ج/ والله ياكثرها واني نسيت عددها لاني كنت متهور في القياده لدرجه ماتصدق ولازلت على حالي س/ موقف طريف حصل عليك ج/ مره وانا في جده شارع الميناء كنت واقف عند اشاره بعد صلاة الفجر توي وصلت جده كنت في الديره ومرهق وتعبان بالحيل المهم في دوريه جات د خل من السيد اللي على يميني وانعطف يمين طبعاً الاشاره ماتمنعه اذا انعطف يمين اصبحت الدوريه امامي وماشي على مهله عشان يبي يسلم المسكين ولع الضوء الاخضر مشيت اذكر اني غيرت تعشيقة السياره من الثاني الى الثاث وبعدها مافتحت الاوانا كأني نازل من السمء وتنزل السياره على جهة الكفره الاماميه من الجهه اليمنى حتى من قوة النزله انخلعت الكفره فتوقت السياره ناظرت على يميني الاوفي اثنين باكستان يضحكون ويقلي فلم هندي انا الان ما ادري ايش الشي هذا اللي جعلني اطير في الهواء وفي وقت زي الحلم من الخرعه ماقدرت انزل ناظرت في المرآه الجانبيه الاوالدوريه واقفه خلف قلت في خاطري بهذي السرعه قدوصلت الدوريه قلت خلني انتظر في السياره حتى يجيني العسكري ذبحني الخوف ايش اللي طيرني فوق انتظرت الا والله ما احد حولي ولا اشوف العسكري عند الدوريه الان تدورني ماعاد تلقاني جلست شوي الناس تجمعت اللي يضحك واللي يتعجب مع خويه ويشرح له الحادث قلت خلني انزل والله نزلت او مانزلت من السياره نزل العسكري من الدوريه سلامات ايش فيك قلت والله ماادري الدوريه مافيها صدمه والاشي سألت العسكري كيف طرت وليش انت مانزلت حتى انا نزلت من السياره قال والله افكرك ياسكران والاارهابي قلت له ليش فأخذ بيدي الى الدوريه وعند الكفره الاخيره اللي على اليمين لدوريه نظرت يااخوان الاوالكفره معجونه عجن والمقصات على الجنط بشكل غريب قلت هذا مني قال نعم لقد جات كفرت سيارتي الاماميه على الكفره الخلفيه للومينا الدوريه وطرت من فوق الدوريه طيران سبحان الله موقف لن انساه اعذروني على الاطاله س/ هل تقود بتهور أم بروقان ج/ والله بتهور ياسعد وحاولت كذا مره ان ادرب نفسي على القياده بروقان استمر ساعه ساعتين وفجأه الاوانا في قمة التهور فمن شب على شي شاب عليه لكن والله احمد الله واشكره تحسنت عن اول بكثير س/ هل تفضل الأستماع للمسجل أثناء القيادة ج/ اذا كنت وحيداً فأستمع للمسجل ام اذا كان معي احد استلمه سوالف حتى يرفع يده ويقلي كان س/ هل تؤيد المكالمات بالجوال أثناء القيادة ج/ من وجهت نظري ان من يكلم لشي مهم وسريع لابأس به لان اطر الشخص على ذالك اما من يجعل الجوال لعبه في يده وينشغل به ويترك السياره تلعب في الخط مره يمنه ومره يسره هذا ودي اوقفه واخذ مفاتيح سيارته بطريقه وليس بالقوه واسلمها لأقرب مركز شرطه وابلغهم ان هذا الشخص لايقود عربه بل يلعب بها مع الجوال وخليه يبقى عند السياره حتى تجيه الدوريه بالمفتاح ا القياده فن وذوق وليس لعب في الخط واعرض نفسي والاخرين للخطر س/ ماهي سيارتك الحالية ج/ ولله الحمد على كل حال عندي سيارتين كامري 2008 وصني 211 اخذتها مع العرض بأقساط ميسره ولله الحمد س/ هل أنت راضي عن سيارتك الحالية ج/ اولً : انا راضي عن حياتي كلها ولله الحمد ولا ارضى بسياره احمد الله واشكره راضي كل الرضى بسيارتي في اشخاص والله ماعندهم وراضين فلابد من الشخص ان يرضى بما قسمه الله له لأنه لن يأخذ غيره رضي والا زعل . س/ ماهي السيارات التي أمتلكتها مع موديلها ج/ كامري 2004 كامري 2008 صني 2011 علما انها ليست يابانيه بل كوريه 2011 لكن بعد ماشريتها عرفت انها كوريه فرضيت بما قسم الله لي . س/ مااهي أفضل سيارة بنظرك ج/ شكلك تبي تشتري سياره أقول من أول ايش الاسئله هذي في الديره افضل سياره ارى انها الهايلكس وبقية المناطق ارى انها BM والله سيارات تستحق الواحد ان يدفع ويتعب من اجلها لكن المشكله فينا لانعرف الاتويوتا كانت اول لابأس اما الان والله كل الجديد تعبان!! س/ ضع ماتريد من سؤال وأجب عليه س/ ماهي السياره اللي تبي تشتريها وهل بتعمل وليمه اذا شريتها ؟؟؟
سعدنا بتواجدك معنا فدمت بوود
