[حسين المعنى]

[poem=font="Simplified Arabic,7,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تميم وانا اخوك وش عاد سويت=طول عذابي والعنا وانتضاري

مافيه لحضه مرت الا تحريت=منك العلوم اللي تطفي لناري

وش فيك يابو نوف ماعاد رديت=ماقلتي وش هو من الوقت جاري

ياعزوتي حتى من الروح مليت=ماغير اجامل في حياتي واداري

غديت لاني حي ياخي ولا ميت=اعاني الوحده وانا في دياري

ماعنك لا والله دسيت واخفيت=واضن باللي داخل القلب داري

زفرت من شين بصدري وونيت=الين قامت دمعتي بنحداري

على زمانن فيه ياما تعنيت=بين الكواسر والشقا والضواري

حرام بالافعال ماقد تهنيت=وانا من اللي صار شخص انتحاري

لا تحسبني بالفرح يوم غنيت=ماودنا مثلك يشوف انكساري

بالاش والداني حشى ماتعزويت=ماعزوتي الا رجل بالطيب ضاري

وانت العضيد وتاج تبقى على البيت=حزام لي بالضاويه والمساري

وانت الذي لك عندنا ماتمنيت=على يميني ماتجي في يساري

هذي علومي جتك بيتن ورى بيت=عطني علومك ياعلوم السواري

وصل الله وسلم على ذايع الصيت=محمد المختار سيد الخياري[/poem]