[حسين المعنى]

[poem=font="Simplified Arabic,7,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياحبيبي قبل ساعاة الوداع=ودي اعلمك قبل اودعي

منك عقلي ياحبيب الروح ضاع=بيدي اللي ادوره واضيعي

آتغبن وآتوجد يوم ذاع=الخبر والعقل ماعد هو معي

ضاق صدري عقب ذاك الاتساع=لو تجي ذره لها مايوسعي

انصرم حالي وسبب لي صداع=كل مايطرون راسي يصدعي

صابني رجه وصجه وارتياع=راع هوجاسي وفكري روعي

انعميت وهمت وايقنت الضياع=ماعد اتحمل لمخلوق اسمعي

عفت روحي وقض اجروحي شعاع=ماكتب للعين يشعاها شعي

اخترق جوفي وغير لطباع=صار قلبي مثل حاجه ماتعي

كل مضحك مايفيد الاصطناع=ينكشف ويبيين من يتصنعي

ودي اخذ لي على وجهي قناع=لجل لايفضح بحبك مدمعي

كيف نجلس لو بدو بالاجتماع=حولك العالم وانا ماجمعي

ان سكت اخاف من كشف الشراع=لن صمت الفارس اكبر مفجعي

وان هرجت اخاف اجيب العيد ساع=تطلع الكمه ويتلاهي النعي

وان عوى سرحان ياليل السباع=ليلها يسري وهي به تدعي

نقتل الفرحه ونتراجع دفاع=كل واحد فوق الاخر يدفعي

وش يضلي موقفك واحنا صراع=قول لي في وقتها وش تدعي

ويش معذارك لشخص مايباع=لغدا بعدك رعيه ترعي

بعدها ماعد تشوف الارتفاع=كل ونعم من عيونه توضعي

وان تجنبنا لحقنا الاتباع=ولانبي الكمه قفانا تتبعي

كلها شينه ولافيها اقتناع=كيف نقنع واحدن مايقنعي

هات ماعندك مدام القلب لاع=اطفي النيران والا ولعي

لاتخليني كذا يم الوساع=اسرعي بالرد بالله اسرعي

واعلمي نار المحبه بندلاع=لرماده لاحشا ماترجعي

مابيعيني لك ورب البيت قاع=في سما كوني واحاله توقعي

وصل واللي ياهوى البال انقطاع=اعشقك واغليك طيري وقعي

ولاهويتك من قصود ولاطماع=غير حب الزين ماهو مطمي

انا كلي لك كما اذن لستماع=انثريني بكيف كيفك واجمعي

قربي لي شبر واجيلك ذراع=وجهي لي زحف واجيلك سعي

بالموادع ماتلاقي لشجاع=وكل واحد له مكان ومرجعي

والبخت لو كان ياجي بالذراع=لو جبل قبلك ندفه بصبعي

وامر ربي لو عما عيني مطاع=بالعشر لاجا لزوم اوقعي[/poem]