[سعيد الكناني]

بسم الله الرحمن الرحيم
السلام عليكم ورحمة الله وبركاته

عدنا لكم
من جديد ولكن بحلّه اخرى
أتمنى أن تنال الرضا والإعجاب

من أرشيفي
(شاعر عتاب)
سطرت حروفها قبل سنتين ونصف وهاهي اليوم
تتجدد بحلتها في هذا المتصفح النيّر
الذي أتمنى ألاّ أفارقه ماحيييت

صوتيه بموسيقى
تحميل الملف من هنا
^
صوتيه بدون موسيقى
تحميل الملف من هنا





قالوا لي أنسى قلت وشلون ابنساه
............... وشلون ابنسى من عشقت وهويته


ياناس احبه حتى لو طال فرقاه
................ ما اقوى على قولة حبيبي نسيته


حتى ولو حديت قلبي على اقصاه
................... لا بد منسى واحتري عند بيته


ياناس مدري هو رحل يم دنياه
.................... دورت له في دنيتي ما لقيته


ياناس مدري ليه...؟ لكني اهواه
................. كل مافتحت (ا)كتاب حبي قريته


ياناس دلوني عنه وين ابلقاه
..................... لاتحرموني منه كلي فديته


ياناس وينه ما تهنى بلياه
..................... ما في مكانٍ جاه الا وجيته


هو كل شي هو مالي وعزي وجاه
.............. هو قصري اللي في حشايه بنيته


لا تحرموني من عيوني ياويلاه
................... ويلاه من زود المحبه بكيته


ياويل حالي يوم لاحل ذكراه
............. وش عذري المقبول لو ما احتريته


قلتوا لي انسى خان حبك واذاه
.................. واقول لا ما خان حبٍ عطيته


يمكن جراله شي لا قدرالله
................... يحفظه ربي بنتظرما حييته


ماني بعاشق كل مزيون يرعاه
................ ماغيره اللي في حياتي رعيته


واعاهده مارضى بغيره ولا انساه
.................. ببقى وفي ما دام حبه وفيته

تقبلوا تحياتي وتقديري
مع
تواضع سطوري
سعيد الكناني
أبو نادر