[ع-ق-الزهراني]

السلام عليكم ورحمة الله وبركاته
كيفكم حبايبي إن شاء الله تكونوا بأتم الصحه والعافيه
اليوم جاي على بالي أسوي مكرونه بالبشاميل وحبيت إني أقول لكم على الطريقه علشان اللي حابب يشاركني
بس أعذروني ما نزلت صور لأني لسى ماسويت شي بس أوعدكم إني أضبط لكم الموضوع مره ثانيه
المهم أول شي نبي نجهز المقادير:
مكرونه بيتوني حلقات (دوائر) يفضل مايكون الحجم الصغير
لحم مفروم
ماجي
ثوم
بصل
زيت
معجون طماطم
فلفل رومي حبه صغيره مقطعه مربعات صغيره
جزره صغيره مبشوره
دقيق أبيض
ملح-بهارات-كاري
5 ملاعق حليب
ثانيا الطريقه:
أولا نسلق المعكرونه في ماء وشوي زيت (علشان ما تتلصق ببعض) ومكعب ماجي لحد ماتقرب تستوي وتصفى من الماء الزايد لحد ما تنشف وتوضع في صينيه
ثانيا نجهز اللحمه نغسلها ونحطها على جنب ونجهز الكشنه (حبه بصل وسط+4فصوص ثوم+قليل من الزيت) نحركهم على النار لحد ماتتسبك شوي ونحط اللحمه ونحركهم كمان شوي ونبدأ نضيف مكعب ماجي +ملح (حسب الرغبه) +بهارات مشكله مطحونه+كاري (أنا عن نفسي أستخدم إسناد نكهته حلوه بالطبخ)+ ملعقتين معجون طماطم + شويه مويه (تقريبا مقدار فنجان شاهي) ونتركها ع النار شوي وقبل ما تنشف اللحمه وأضيف عليها الفلفل والجزر وأقلبها لحد ما تنشف نوعا ما بس ياريت تراعوا إنه يكون فيها شوي مويه علشان الفرن وتنحط كطبقه ثانيه على المكرونه المسلوقه
ثالثا وأخيرا : البشاميل
طبعا الكل عارف إن له عدة طرق وكل شخص مننا يفضل طريقه معينه لكن اللي أنا أسويها مع هالخلطه
فنجان شاي دقيق أبيض ونفس المقدار زيت أحطها على النار شوي وأضيف لها حليب (5ملاعق حليب بودره + 2ونص كاس وسط ماء )
تحرك لحد ما تثخن وتضاف على اللحمه وتنحط بالفرن لحد ما تبدأ تتماسك وتتحمر وتقدم ساخنه
وبالهنـــــــــــــــــــــاء و الشفــــــــــــــــــــــاء