[عبدالله الطنيني]

عندك دوا علـّـتي

[poem=font="Simplified Arabic,6,purple,bold,normal" bkcolor="burlywood" bkimage="" border="double,4,green" type=1 line=0 align=center use=ex num="0,black""]
عندك دوا علتي يا مالـك احساسـي=تقدر تـداوي جـروحٍ هبتهـا فيّـه
أنت الذي لك صدى شعري وهوجاسي=غنّى القصايد مع العشّـاق مرويّـة
لـولاك ماجاتنـي ويـلات لتعـاسِ=ولا شكيت العنـا والـروح مبريّـة
لكن حبك جـرى فِ الـدم ولنفـاسِ=واصبح جهازٍ يحرّك نفسـي الحيّـة
عليه من نابـض الخفّـاق حُـرّاسِ=واسراره اللي مع الهوجاس مخفيّـة
لك ميزةٍ نادرة عـن جملـة النـاسِ=الوجه مكسي حـلا وخـدود ورديّـة
والعين عين المها والطّـرف نعّـاسِ=تحت الرموش الظّليلة عاش في الفيّة
والمبسم اللي يفوق الوصف وقياسي=يفترّ عـن منظميـن الّلـول منقيّـة
والشّعْر لسود غزيرٍ ظافـيٍ كاسـي=تحته نـوادر كنـوز الفـن مكسيّـة
عز الله اللي شكى منهـا توجّاسـي=الزينة اللـي مـع لشهـاد مطريّـة
من اخمص اقدامها لا عالي الـراسِ=متكاملـة بالحـلا مِنْحـة إلاهـيّـة
نظرتهـا مـرّةٍ والقلـب حـسّـاسِ=مـا نـدري ان المحبّـة دبلماسيّـة
يلومني في هواها بعـض جلاّسـي=ما آوآخذه يمكن انـه طيّـب النيّـة
واللي طمى في هوى منتوق الالعاسِ=يصبح رهينٍ معـه منـزوع ملكيّـة
يا ليت يعطف عليّه قلبـه القاسـي=ويرد لي نظرته ويشـوف مـا فيّـه[/poem]

حقوقنا محفوظة حفظكم الله

وسلامتكم يا كرام