[شذى الريحان]

[ALIGN=CENTER][TABLETEXT="width:90%;background-colorurple;border:9px groove gray;"][CELL="filter:;"][ALIGN=center]


ليه تلاوعيني وانتِ نور عيني .. ايه جرى بينك في الهوى وبيني
ليه تلاوعيني ..

لما حبيتك وانضنى حالي .. انعدم نومي وانشغل بالي
وان شكيت وجدي ينظلم حالي .. ايه جرى بينك في الهوى وبيني
ليه تلاوعيني ..

ليه تكايدني كل ما اتكلم .. ليه تحاوريني والفؤاد سلم
كل ده يخللي قلبي يتالم .. ايه جرى بينك في الهوى وبيني
ليه تلاوعيني ..

الغرام اصله نظره واتمكن .. والجمال يسحر والدلال يفتن
واحتمال بعدك امر مش ممكن .. ايه جرى بينك في الهوى وبيني
ليه تلاوعيني ..

اسمعي الشاكي وارحمي الباكي .. قضى طول عمره قلبه يهواكي
ما افتكر عمره لحظه ينساكي .. ايه جرى بينك في الهوى وبيني
ليه تلاوعيني ..[/ALIGN][/CELL][/TABLETEXT][/ALIGN]


كلمات: احمد رامي
رائعة من سارة الهاني فقط