[أبوعدي]

مدخ ـل ..
والله لو على رقبتي .. غ ـيري ماتركته " لك "
عاد كله الا " انتي " قولي ذا الحكي لأهلك
أهد الـ /دنيا وأبنيها احط عاليها [ واطيها ]
انا مجـ ن ـون اسويها و<انتي> كبري عقلك !!
يكلمني عن جروحه .. وأنا من سبِّته .. مجروح !
يسولف لي عن (أحبابه) وأسولف (عنَّه) لـ حاله ....

أحس في دمعة عيونه .. وتطلع من بكاه الروح ..
وإذا يفرح مع غيري . . . بكى " قلبي " و / هنَّاله .


ياليت آنا معاه اللي ركبنا في [ سفينة نوح ]
محد يقدر يفرقنا لا : عمِّي .. و لا : خاله


رسمته في قلم ناشف على قطعة خشب من لوح
و تهيألي يحاكيني !! ويبيني أرسم إظلالـه


تحرَّك طيفه الدايم . ولَعَب في حسبتي بجْموح
يحب الخيل .. و أشعاري .. عشانه صاروا خيَّالـه


وصار بـ عيني ( الأجمل ) مع إنَّ شوي هو مملوح ..
ولا غيره مــلا عيني وقلبي بس يصفالــه


ذبحني قلبي الساكت ! ... متى قلبي عليه يبوح ؟؟
أحبه وماعرف إني أحبـه وأعشق وصاله . . .


كتمت وهذا من طبعي وتمنيت " الغلا " مفضوح
ببيِّن له ولا أقدر مع إنِّي جالس قباله ..


أخاف إنّه بعد مُدَّه يطير ... ومن إيديني يروح !
هو نعمة من فضل ربي ويقولوا : النعمـة زوَّالـه


لي قلبٍ من كثر حُبه على : فراش التعب ..مطروح
لا هو " ميت "..ولا " عايش " .! ووالله إن مـااات أشواله


وحبي من طرف واحد غلا صادق بدون مزوح
وإذا هو طاح ؟ قداامـي .. نزلَّـه / قلبي / و : شــاله .!!


شكالي وكنت له أسمع . . . وقلبي دوم له مفتوح
يطمِّني عن " أخباره " وشنهي آخر أعمالـه


وإذا شفته خطا بـ حقي بدون أعذار ؟ .. هو مسموح
في نياته ولا يدري .! وطيبة قلبه همَّالـه ..


في جياته ... يروح الهم ويبدِّل ( دمعتي ) بـ فروح
تمنيت البشر مثله . . . وكل من حولي أمثاله .!


من الله حُبه في قلبي حشى مالي ترى مصلوح ..
عسى يكبــر ويذكرني ويسمِّي بـ " إسمي " : إعيالـه

مما رآق لي..

مـ [خ] ـرج..
ومين ياخذك "مني" وانا اللي من صغر "سني"
اسولف فيك واغنـ ي واردد كل غنى قلبـ ي
معاك لاخر الدنيا معاك من الـ " ألف " للـ "ياء"
تمون وترخص الاشاء وانا ((غيرك)) ابد ما ابي