[نسيم السروات]

هههههههه ماضحكني الأ الرأس الصغير يبي أبوه يعلمنا السواقه عشان

نأكل كفوف مخمسة مثل ما اكلها هو

لالالا ياخوي نعرف نعرف نسوق بس ننتظر ساعة الصفر >>>> لا أحد يصدق

أما أنا فشريت لي حمار الله يكرمكم ومعه عربه يجرها بأركب فيها وهذا الحمار الأليف الطيب يوديني

إلى عملي في هذه العربه كافة خيري وشري لا أركب مع سواق ولا اسوق سيارة وهذا الحمار أحسن من

السواق لا يضر ولا يخوف ويادار ما دخلك شر وش نسوي الحياة تتطلب كذا أن ركبنا مع السواق قالوا حرام

وان سقنا السيارات قالوا مصيبة وأن طلبنا من أولياء الأمورمشاوير قالو ماحد فاضي لكن .

تعالوا يابنات ياكثر الحمير في الديرة نصطادها ونروح نتفق مع صاحب منجرة يسوي لنا كم عربه ونخلي الحمير تسوقها

ونسوي لنا في العربه هودج ونركب فيها مكيف صحراوي وياسلام وأتحدى أحد يتكلم فينا هيا قولوا تم .


بأقول لكم عن قصة أول مرة سقت فيها السيارة :

كنت أنا وأحد أخواني وأحنا شباب صغار كنا نخلي أبوي الله يرحمه إذا نام الظهر نسرق مفتاح السيارة

ونروح نسوق كان أخي يعرف يسوق ويبي يعلمني وكانت حارتنا جديدة والبيوت فيها متباعدة عن بعض

المهم أعطاني أخي اسوق وتعلمت أول شئ ريوس وجلست أسوقها على وراء بكل سرعتي وما عرفت أرجعها قدام

قام أخي وتصرف بسرعه وصفقني كف وقال أندري ما تعرفين تسوقين كم حدي أعلمك .

وفي المرة الثانية بعدما كبرت شوي طلعنا البر قام أبوي الله يرحمه أعطى أخي المفتاح وقال رح مش أخوانك بالسيارة

وأرجعوا علينا وركبت أنا وأخواني الصغار والشغالة وأبني الوحيد أنذاك وقلت لأخي تكفى خلني أرجع بالسيارة أنا قدام

أبوي وأمي عشان يشوفوني أسوق قالي يالله سوقي ومسكت السيارة وقمت اعشق بها في غير عقلي ما أعرف أسوق

بهدوء وأنا متهجه على أمي وأبي جالسين جاني روعة أني أدعسهم قمت لفيت الدركسون يمين شفت حفرة كبيرة خفت

أطيح فيها وما كان أمامي إلا أني حطيت رجلي على الفرامل بكل قوتي ووقفت السيارة وكل الشله اللي وراء صاروا عندنا

قدام بقدرة قادر ومن بينهم أبني اللي عمرة سنتين هههههه .

نزلت وأبوي ميت من الضحك وقلي والله يابنتي ماتصلحين تسوقين إلا في البطحا عشان تديسين كل خلق الله اللي فيها

ومن بعدها جاني رهاب من السواقه في وجه الله منها خاصة في وسط البلد بأبيد خلق الله وكل يوم أدعس عشره من غير التصادم .

لذلك لن أصوت لها .

وأحب أقول لكم شئ سواقة الحريم جاية جاية طال الزمن وإلا قصر والمسأله يبي لها وقت .

وأن أقترح لو سمحوا أتمنى بأن سواقة المرأة تختصر وتقتصر على المرأة فوق سن الأربعين فقط

يعني للأمهات فقط أما البنات فلا والف لا ما تصلح لهن خاصة بين شبابنا المؤدبين .

وألف شكر لصاحب الموضوع . الصقر المهاجر.