[حسين المعنى]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
من البنوك اللي تزايد رصيدها=كملتها خمسين واليوم ازيدها

ماوقفت مادمت الروح في عنا=اطرد بنات الفكر حتين صيدها

اطوع القيفان واروي حروفها=ماتروي الروح السليمه وريدها

هي عاشقه لي صدق وانا عشقتها=عشق(ن)مهو بيدي ولا هو من ايدها

فطره من الله جمعتنا على بعض=والحزن محزمها وهمي عضيدها

تاجي على كيفي وانا اجي بكيفها=تقبل على الحزه على مانريدها

تموت في حبي وميت بحبها=تضمني وانا أتلعب بجيدها

عيونها تبكي وعيني لها بكت=شوق وموده لاجت ايدي مع ايدها

ان جات والا جيت تحكي عيوننا=تقعد تغازل واليالي تعيدها

تتلامس الاهداب بيني وبينها=ولمساتها القلبين من عيد عيدها

تجري بجسمي مثل ماتجري الدما=اشكي لها همي وتعطي جديدها

احبها واحب من هو يحبها=واعاف من هو مايداني نشيدها

ابغي مفارقها ولاكن تحدني=تذكر لنا حزات كنا عبيدها

ماهو بكره ان قلت ودي فراقها=هي سيدت فكري وانا سيد سيدها

ماهو تخاذل في الموده ولا الغلا=ماودي اشقيها ولا اوثق لقيدها

زود المحبه يخلق البعد والجفاء=نار(ن)تلضى ماتطفى وقيدها

تقرب وانا ابعد وتبعد وانا اقترب=ازرع وهي تزرع وهذا حصيدها

هذي هلاليه ومن طبع فنها=لاجت مع باقي القصايد تكيدها

تمت وصل الله على سيد البشر=اللي مورث لمته مايفيدها[/poem]