[&طيف&]

السلام عليكم


شاكره لك دعوتك أخي الراس الصغير يعطيك العافية خرجتني من جو t306

المهم بالنسبه للكمبيوتر تعودت على شوفته من وأنا في الابتدائي لكن ما عمري لمسته مدري ليه ما كنت أحبه ولا لي أي علاقه فيه لا من قريب ولا من بعيد

بس اللي شدني لاستخدامه هو النت

المهم وأنا في الثنوي أيام الديل اب وسلك التلفون والفواتير اللي تهد الحيل كانت أختي بالجامعه وتستخدمه وطبعا الغيره قطعت قلبي كيف هي تعرف تستخدمه وأنا الدافوره ما أعرف

كنت أوقات أجلس وراها وأشوفها وهي ترد في منتدى نسائي وطبعا بعد ما تخلص تسوي تسجيل خروج

واستلمت الكمبيوتر بعدها وفتحت على نفس المنتدى وعلى طوووول ما عندي وقت كتبت رد على واحد من المواضيع وطلعتلي صفحه انو لازم أسجل وحاولت بشتى الطرق أعرف طريقة التسجيل وما عرفت أصلا ما كنت أعرف وش هو الايميل

وقلت خلاص خليني أتنازل شوي وأسأل أختي كيف اكتب ردود بالمنتدى قالت لي لازم يكون عندك إيميل وقلتلها طيب انتي عندك؟ قالت عندي اثنين مو واحد وجلست أترجاها تسلفني واحد بس ما رضيت قالتلي بعدين بسويلك

ومرت الأيام ونسيت سالفة الايميل وكنت أدخل عالنت فقط اتصفح وما كان عندي أي فكره عن البرامج الثانيه اللي في الكبيوتر لأن أصلا ما شدني له إلا عالم النت

وبعد ما انتهيت من الثنوي انقبلت في كليه ما حبيتها وسحبت ملفي وأبويه الله يحفظه ما رضي اني أقعد في البيت وسجلت بمعهد حاسب والحمدلله خلال 6 شهور تعلمت عالوورد والبور بوينت والاكسل والاكسس وغيرها وأهم شي صار عندي إيميل ههههههههههههههه

والحين دراستي الجامعيه تعتمد اعتماد كبير على استخدام الكمبيوتر فصار ضروره من ضروريات حياتي


الله يعطينا خيره ويكفينل شره