زاويه رائعه بصراحه حلو ناخذ الحريه في مناقشة الأمور اللي تهمنا
الله يعطيكم العافيه
أختي رفيعة الشان أحسنتي الاختيار ورح أرد بما في جعبتي
يعني مثلا العروسه آيش أفضل هديه تتقدم لهآ
يعني لو الوحده قدرت تعرف ايش ناقص العروس وتجيبه لها بيكون روعه
أنا على وقت زواج أختي كانت هديتي حجزتلها مصورة فيديو للفرح وتفاجأت وانبسطت كثير
أما صحباتي أفضل تكون الهديه شغلات من تجميعي ولي بصمه في الهديه أي شغلات أجمعها لازم يكون معاها المسك الجامد من جنيد
الأشياء اللي أجمعها ممكن تكون عطر فرنسي مع بودي لوشن ممكن ساعه وقميص نوم ناعم أو بجامه كشخه ممكن خاتم ذهب أو مكياج أو طقم سجاده وشرشف يعني حسب ميزانيتي وبعدين أوديها لمحل يجمعها بصندوق كشخه ويضيف عليها شوية شموع على ورد مجفف وأفضل اني أعمل زياره للعروس قبل فرحها عالأقل بثلاث أسابيع وأعطيها هديتها
والخطوبه شنو أحلى شي يتقدم , وحفلات التخرج , والسابع
وبرضو اللي توهآ وآلدهـ , نقدم لها الهديه والا للبيبي
طريقة التغليف , طريقة التقديم؟..
احنا بالخطوبه ما نقدم شي يكفي بالزواج أنا أتكلم عننا بالمدينة مدري عن الباحه
حفلات التخرج ما حصل وحضرت مناسبه من هذا النوع عادة تكون جمعه مختصره وكل وحده من المدعوين تجيب طبق بالإضافه للكيك والحلويات وننبسط بدون محد يكلف علينا أو نكلف على أحد
في السابع غالبا تكون الهديه للمولودبس إذا الأم لها معزه خاصه نجيب لها هديه غالبا طقم عطور أو عوده
طريقة التغليف الله يخلي محلات تغليف الهدايا >>>>> مالها خلق
وش رآيكم باللي تعطي فلوس ( حركآت حريمنا الله يديهم الصحه )
الفلوس أفضل مخرج إذا احترتي في الهديه بس احنا البنات مالنا بهالحركات والفلوس أوقات تكون أفضل من هديه مكرره ومالها لزمه
تفضلون الهديه تكون قبل والا وقت المناسبه
إذا عروس قبل المناسبه أما المناسبات ثانيه مافي مجال إلا بوقتها
الكرت تفضلي كلام منمق ومزخرف والا اللي من القلب أفضل
بما اني فاشله في التعبير أضطر أدور في النت عن عباره مناسبه حسب مكانة الشخص عندي
هديه وصلتك وعجبتك فكرتهاا أو محتواهاا
واحد من أخواني هداياه لي قريبه لنفسي آخر هديه منه كانت نهاية الشتا فستان شتوي قصير وطقم عطر مع ان وجوده في حياتي أجمل هديه الله يحفظه لأولاده
هديه ما تفضليهاا ولا تحبذي احد يهديهاا
الهديه مهما كانت بسيطه تسعدني يكفيني أن هالشخص فكر فيني حتى لو ركنتها وما استخدمتها