أعجبتني القصيدة
لا تفرح إن الوقـت أسعدك واعطاك
لابــد مـا ســود اللـــــــيالي تبكيـــك
دنــــــيا تقلـــب علــها مـــاتــولاك
تمسي عزيز وتصبح من الصعاليك
إلى أقبلت تخفي عيوبك عن اعداك
وإلى أدبرت تظهـر عيوبك لأهاليك
اغنم من صروف الدهر كانه امداك
قبل اللحد عن ظاهر الأرض يخفيك
وترى التشكي للمخاليق يشــــــنـاك
يحط من قدرك ويفـرح امــعــاديـك
وكـثر التـشره يجعـل الناس تجـفاك
ولا عــاد تلـقى بيـنهـم من يخـاويك
ولا تمادى في زعل من ترضــــاك
مادام جاء عاني على شأن يرضيك
ولا تخــاوي من على ابوه بـــــداك
هذاك وان طال الزمان بيغدر فـيـــك
والـجـاهل احـذر لاتجـادلـه يـبلاك
في كـلـمة بين الـمخاليـق تعـمـيــك
والهرجه العوجى لو أنه تنصــــاك
حـاول تجـاهـلهـا وخــله تـعـديـــك
ولاتخـيـب هـقـوت اللي تـهـقـــواك
مادام جاء بين المخاليق ناصيـــــك
واحـذر تـهـزا يـافـتـى بخلق مولاك
تـشـوفـها باقـرب قـريـبٍ يوالـيـــك
ولاتفرح بزودٍ على الحق وان جاك
زودك ترى نقصٍ على حق ذوليـك
وخل القناعة ميزةٍ من مزايـــــــاك
مـع القناعة كــل شـيٍ يـكـفـيـــك
وان جت لك الدنيا على غير مشهاك
اصبر ترى بالصبر تدرك أمانيك
لا تأمـن الدنيــا تـرى الوقـت فتــاك
لجا القـدر كثـر الحـذر ما ينجيـــك
منقوله
ـــــــــــــــــــــــــــــــــــــ
|