[العرنين]

[poem=font="Simplified Arabic,5,,bold,normal" bkcolor="transparent" bkimage="" border="groove,4," type=1 line=0 align=center use=ex num="0,black"]
يا بحر والهم يرويه الوهم =
من شرب دمعه وهو ملح اجاج
السفينه اوراق والصاري قلم=
والكتابه بحر لو قربت ماج
الشواطي ما بها ماطى قدم=
لا حصل بيع ولا شفنا خراج
من فهم شي يقلي وش فهم=
الشعر بعضه كروشتة علاج
والله اني ما كتبته من عدم=
شي فيني من عجيب الوقت هاج
لا هو احزان ولا هو بالالم=
ولا هي اشواق ولا ضيقة مزاج
كيف صار الشعر قاضي متهم=
لو يبي يحتج ما له احتجاج
عقب كان الشعر بيته يحترم=
وتقطع ابياته وسيعات الفجاج
سوقوه البعض في سوق الغنم=
وقيموه بسومة شياه ونعاج
يا قصيدي كيف هالامر احتدم=
واختلط معناي مع باقي العجاج
ما يفيد الصمت ما ينفع ندم=
قل قصيدك دام بعض الهرج راج
دام لك معنى اذا قلته وجم=
كل مستشعر ورواد الحراج
القصايد بعضها يبقى وسم=
وبعضها ما ينشرب ماي هماج[/poem]