[ابن روزه]

الشاعر عبدالله صالح الخزمري


لا تلتفت لي وانت زعلان بالحيل
=خل الزعل يقضي ونلقى فرجها

لي عادةٍ ياصاحبي مابها ميل
=ما اسكت على هرجة عذولٍ هرجها

تلهب على بالصدر وان قلت تسهيل
=زادت وونة صاحبك من خرجها

قلت اللذي قد كان ماقول تأويل
=خبرك ببوصالح ولا هو مرجها

ماني من اللي يذكرونه مع الخيل
=اوزن هروجي قبل يبدى حرجها

آقف.. على وقفة رجالٍ معاديل
=واهديك خيلٍ فارعة في سرجها

تفداك خيل الشام والترك والنيل
=وتفداك سيفٍ غاليه ما برجها

سيفٍ تطارى من قديمٍ وذا الجيل
=ما يثمنون النادرة من عرجها